Liri Berisha : Kongresmenet amerikane vijne ne Shqiperi
E Marte, 09 Shkurt 2010
Kongresmenet amerikane, pritet qe te vizitojne Shqiperine me rastin e 100 vjetorit te lindjes se Nene Tereze. Me rastin e 100 vjetorit te Nene Terezes, pritet qe te organizohen nje sere aktivitetesh duke filluar me inaugurimin e memorialit u shpreh zonja Liri Berisha. Kjo e fundit, gjate vizites se saj ne Uashington mori pjese ne Mengjesin e Lutjeve, prej ku u impresionua nga fjalet e Hilari Klinton per bamiresen shqiptare. Gjate vizites se saj, znj.Liri Berisha mori pjese ne pritjen vjetore, te organizuar nga "Rrjeti i Informacionit te Grave", nen kujdesin e anetares se Dhomes se Perfaqesuesve Rosa DeLauro. Kjo pritje vjetore behej ne nderim te anetareve te Kongresit, te cilat luftojne dhe angazhohen per thellimin e pjesemarrjes se grave ne politiken amerikane. Ne aktivitet merrnin pjese nje sere anetaresh te Kongresit Amerikan, politikane, aktiviste te spikatura te shoqerise civile te SHBA, etj. Ne fjalen e hapjes, anetarja e Dhomes se Perfaqesuesve znj. Rosa DeLauro, njekohesisht kryetare e Bordit te "Rrjetit te Informacionit te Grave" per Kongresin amerikan, i uroi nje mireseardhje te vecante znj. Liri Berisha, me cilesine e Presidentes se Fondacionit Kulturor "Nene Tereza", bashkeshortes se kryeministrit, por njekohesisht edhe fituese e Cmimit Nderkombetar te kesaj organizate ne vitin 2009, duke permendur perpjekjet e znj. Berisha per rritjen e rolit te gruas ne sfera te ndryshme te shoqerise shqiptare. Gjate ketij aktiviteti te rendesishem znj. Liri Berisha u takua me anetaret e Kongresit Amerikan: Rosa DeLauro, Diana Degette, Betsy Markey, Shelley Berkley, Diane Watson, Jackie Speier, Allyson Scheartz, Judy Chu, etj me te cilat zhvilloi biseda te ngrohta dhe miqesore. Anetaret e Kongresit Amerikan shfaqen nje interes te vecante per misionin dhe veprimtarine e Fondacionit Kulturor "Nene Tereza". Nga ana e saj znj. Berisha nenvizoi faktin e rendesishem se 100 vjetori i Nene Terezes synohet te kthehet nga ky fondacion, por edhe nga institucionet shteterore shqiptare ne nje dite te shenuar nderkombetare, pasi sic u shpreh ajo: "Nene Tereza i perket gjithe njerezimit". Anetaret e Kongresit amerikan vleresuan keto perpjekje dhe u treguan te gatshme te gjejne forma dhe rruge per te mbeshtetur nisma te tilla, qe evidentojne vlera per mbare njerezimin.
Fondacioni "Nene Tereza"
Duke marre shkas nga ky objektiv madhor i qeverise dhe Fondacionit "NeneTereza", znj. Liri Berisha i paraqiti anetareve te Kongresit amerikan, ftesen e Fondacionit "Nene Tereza" dhe ftesen e saj personale per pjesemarrjen ne ceremonite, qe do te zhvillohen per kete jubile ne Tirane, ftesa te cilat u pranuan me kenaqesi. Pas kesaj pritjeje ne Kongresit amerikan, znj. Liri Berisha pati nje takim pune me Presidenten e "Rrjetit te Informacionit te Grave" znj. Karen Mulhauser, nje nga ikonat e shoqerise civile te Shteteve te Bashkuara. Gjate ketij takimi u shkembyen mendime dhe ide rreth mundesise se prezences se aktiviteteve te Fondacionit Kulturor "Nene Tereza" ne Shtetet e Bashkuara te Amerikes, sic mund te ishte krijimi i grupit "Miqte e Nene Terezes".
