Xhacka: Kerkojme dialog per zgjidhje ose protesta per zgjedhje te parakohshme

Denis Dedej

Partia Socialiste kerkoi diten e djeshme dialog per zgjidhjen e krizes ose do t’i drejtohen protestave per zhvillimin e zgjedhjeve te parakohshme. Deklarata u be dje nga deputetja e kesaj partie, Olta Xhacka, e cila ne nje reagim ndaj deklarates se kryetarit te Levizjes Socialiste per Integrim, theksoi se rezoluta e Asamblese Parlamentare te Keshillit te Evropes kerkon dialog. “Ilir Meta vazhdon te perserise fjalet boshe te Sali Berishes nderkohe qe rezoluta qe aq shpesh evokohet ne kete logjike te cale, pranon se Shqiperia eshte ne krize. Rezoluta kerkon dialog”, u shpreh Xhacka. Sipas saj, Sali Berisha e Ilir Meta bejne diversion, duke na kthyer 13 vjet pas kur Sali Berisha refuzonte te pranonte dialogun, vullnetin e popullit e vullnetin e paleve. Ajo tha se u desh detyrimisht te nderhynin nderkombetaret per te vendosur rendin e munguar. Duke vijuar me tej, deputetja socialiste nenvizoi se “sot kur Shqiperia eshte vend anetar i NATO-s dhe aspirante per t’u integruar ne Bashkimin Evropian, ne nuk mund te lejojme me shembullin e politikes se vjeter se genjeshtres e te mashtrimit publik qe duhet crrenjosur nga jeta publike shqiptare, duke filluar me crrenjosjen e korrupsionit elektoral permes hapjes se kutive te genjeshtres dhe mashtrimit”. “Ne rikerkojme sot tryezen e Kryetarit te Shtetit, Presidentit te vendit, duke theksuar se zvarritja e dialogut nga Sali Berisha nuk e ul dot ritmin e pergatitjeve tona per protesten e madhe te Frontit Opozitar, deri ne largimin e qeverise. Kerkojme dialog per zgjidhje ose do te vijojme me protesta per zgjedhje”, paralajmeroi deputetja e Partise Socialiste, Olta Xhacka. Prej kohesh socialistet kane shprehur vendosmerine e tyre per te arritur hapjen e kutive te zgjedhjeve parlamentare te 28 qershorit, sic eshte thene ne deklaratat e shpeshta “me ose pa Berishen”. Ndersa bejne thirrje per dialog politik dhe per zgjidhjen e krizes aktuale permes nje tavoline Rama-Berisha dhe me Presidentin Topi negaociator, selia roze nuk toleron ne qendrimin e shprehur duke thene se nese nuk ka nje zgjidhje te tille atehere permes protestave ne te gjithe vendin do te arrihen zgjedhjet e parakohshme. Per t’i paraprire kesaj rruge, kryetari i selise roze, Edi Rama, ka ndermarre prej javes se kaluar nje tur sqarues per arsyet se pse ndermerret rruga e tubimeve.