Skema e re, si do te subvencionohen tekstet
E Hene, 08 Shkurt 2010
Ndryshon skema e subvencionimit te teksteve shkollore per arsimin e mesem. Kete vit, Ministria e Arsimit ka vendosur qe ne arsimin e mesem te kompensoje per librat vetem nxenesit qe marrin asistence nga shteti. Nderkohe qe krejt e kunderta eshte percaktuar per nxenesit e shkollave 9-vjecare, te cilet do te perfitojne te gjithe nga skema e subvencionimi te teksteve shkollore. Duke pasur parasysh numrin e madh te titujve te librave ne treg, rreth 600 te tille per vitin e ri shkollor, drejtuesit e Ministrise se Arsimit e kane pare si te pamundur kompensimin e te gjithe gjimnazisteve. Nese per arsimin e mesem eshte vendosur te behet ndryshim i skemes se subvencionimit, ne arsimin e detyruar, qe perfshin ciklin 9-vjecar, masa e kompensimit te teksteve shkollore do te mbetet e pandryshuar. Burime prane MASH-it informojne se tekstet shkollore per nxenesit ne arsimin baze, do te subvencionohen ne masen 50 per qind. Kjo mase do te jete e njejte per te gjithe nxenesit, pa i ndare ne kategori, ashtu sikurse do te veprohet ne arsimin e mesem. Ne arsimin e detyruar, nga masa e subvencionimit te teksteve do te perfitojne 650 mije nxenes ne te gjithe vendin. Ndersa nxenesit e shkollave te mesme nuk do te subvencionohen kete vit, me perjashtim te atyre qe perfitojne asistence sociale nga shteti. Burime nga Ministria e Arsimit bejne te ditur se kete vit do te perfitojne nga skema subvencionuese e teksteve shkollore vetem gjimnazistet qe perfitojne asistence sociale nga shteti, kurse per pjesen tjeter te popullsise subvencionimi per tekstet shkollore do te shkoje vetem per arsimin 9-vjecar te detyruar. Sipas ketyre burimeve, nxenesit qe perfitojne asistence sociale nga shteti, ne momentin qe kane blere librat duhet te kene terhequr faturen tatimore, ne menyre qe te perfitojne subvencionimi.
