Greqia ndjese ne Davos per falsifikimin e borxheve
E Shtune, 30 Janar 2010
Per arsye te fshehjes dhe te permasave te hendekut te saj ne buxhet, Greqia konsiderohet si mekatari kryesor kunder paktit te stabilitetit nder vendet e monedhes euro. Aktualisht Greqia gjendet ne Evrope nen vezhgim intensiv, sepse vendi ka hyre ne borxhe aq te medha, saqe shume agjenci te vleresimit ulen ne dhjetor vleresimet. Ka gjasa qe shifrat e buxhetit te mos pasqyrojne as permasat e plota te gjendjes se veshtire. Kjo sepse vitet e fundit greket i kane manipuluar vazhdimisht statistikat e borxheve te tyre. Kjo eshte koha qe kryeministri te perpiqet per te krijuar besim, ne Forumin Ekonomik Boteror ne Davos. Grekeve s'u zene bese ne Evrope, te pakten tani. Borxhi shteteror eshte larguar aq shume prej kufijve te kritereve evropiane, saqe do te ndjeke nje kurs rigoroz kursimi. Ky do te vezhgohet nga koleget evropiane, sepse ne te kaluaren Greqia nuk e ka marre gjithmone seriozisht punen e shifrave te saj. Per kete arsye qeveria greke shfrytezon tani cdo mundesi per te krijuar besim, per shembull ne Forumin Ekonomik Boteror ne Davos. Atje kryeministri grek ishte ulur te enjten pasdite perballe burrit, te cilin mund ta kete pare javet e fundit ne endrra te keqija: rojtari numer nje i monedhes evropiane, Jean-Claude Trichet, shefi i Bankes Qendrore Evropian. "Faji eshte ne radhe te pare i yni. Nuk dua te bej politike, por ne qeverine e kaluar ka pasur mjaft keqmenaxhim dhe politike klienteliste, qe ka kushtuar shume para. Fatkeqesisht ne zhvilluam shume korrupsion ne nivelin me te larte dhe nuk ndermorem masat per ristrukturimin e ekonomise sone",-tha kryeminister grek Papandreu ne Forumin ekonomik te Davos.
