Topalli: KiE kerkoi ndaljen e bojkotit

Rozeta Rapushi

Kuvendi pershendeti dje vendimin e Asamblese Parlamentare te Keshillit te Evropes, per miratimin e nje rezolute te posacme per krizen politike ne vendin tone. Kryetarja e Kuvendit, Jozefina Topalli, e pershendeti vendimin e Asamblese, duke e vleresuar rezoluten si shume te rendesishme. "Ne teresi, te majte, te djathte apo ekstremiste te djathte e te majte, i kerkuan liderit te Partise Socialiste, te ndaloje sa me pare bojkotin ndaj institucioneve, duke treguar edhe nje here se Evropa nuk funksionon keshtu", tha Topalli. Sipas saj, Asambleja miratoi dy prej amendamenteve thelbesore te delegacionit te mahorances ne kete institucion, te prezantuara nga kreu i delegacionit, Ilir Rusmali. "Falenderoj Keshillin e Evropes, si dhe dy raporteret qe mundesuan hartimin e rezolutes dhe miratimin e dy prej amendamenteve thelbesore te delegacionit tone", theksoi Topalli. Gjate gjithe diskutimit te lire ne seancen e pasdites se djeshme, deputetet e mazhorances dhe ministrat, kritikuan ashper qendrimin e Partise Socialiste, bojkotin dhe letren e derguar per heqjen e votes se Shqiperise ne kete Asamble. Ministri i Mbrojtjes, Arben Imami, akuzoi Ramen se po tenton me cdo menyre qe te bllokoje proceset integruese ne vend. "Me sjelljet e fundit, Edi Rama po tenton qe krizen politike, qe ka brenda partise se tij politike, ta transferoje ne nje krize politike ne vend",-tha Imami, duke shtuar se nuk ia doli as me metodat e tij kunder Evropes per te perjashtuar Shqiperine nga keto struktura. Ashper veprimi i selise roze per letren dorezuar ne Keshillin e Evropes per ngrirjen e kredencialeve te delegacionit shqiptar, foli edhe ministrja e Integrimit, Majlinda Bregu, e cila tha se Evropa i dha pergjigjen me te mire opozites, me votimin e rezolutes se djeshme ne Asamblene Parlamentare. Ndersa deputeti demokrat, Gent Strazimiri, e quajti letren e PS-se ne KiE, si nje akt i partise se Enver Hoxhes, po tashme e udhehequr nga Edvin Kristaq Rama. "Letra e Edi Rames ne Keshillin e Evropes, nuk le vend per medyshje, se eshte nje perpjekje e paprecedent kunder anetaresimit te Shqiperise ne Bashkimin Evropian", u shpreh ai, duke shtuar se te njejtat sjellje kundershtare, PS beri edhe ndaj anetaresimit te Shqiperise ne NATO. Gjate gjithe seances se djeshme, deputetet e mazhorances u perqendruan ne fjalen e tyre jashte rendit te dites, vetem tek letra e Partise Socialiste per ne Keshillin e Evropes si dhe rezoluten e miratuar nga ky Keshill per situaten politike ne Shqiperi. Nuk munguan kritikat e ashpra per bojkotin e vazhdueshem te deputeteve socialiste dhe shperfilljen qe po u bejne, sipas tyre, nderkombetareve qe jane kunder ketij bojkoti. Prej pese muajsh, deputetet e PS-se vijojne bojkotin nga cdo lloj aktiviteti parlamentar ne vend, me kushtin e hapjes se kutive te votimit.