Bakojani: Rama u bashkua me ekstremistet
E Premte, 29 Janar 2010
Ish-ministrja e Jashtme greke, Dora Bakojanis, akuzoi dje liderin e opozites shqiptare, Edi Rama, per prishjen e marreveshjes per percaktimin e vijes detare midis Greqise dhe Shqiperise. Permes nje deklarate per shtyp, ish-shefja e diplomacise helene hodhi akuza te forta lidhur me perdorimin qe i eshte bere kesaj marreveshjeje, prej klaneve politike ne dy vendet. Sipas saj, vendimi i Gjykates Kushtetuese te Shqiperise eshte nxitur nga ekstremistet shqiptare, me te cilet eshte bashkuar kryetari i Partise Socialiste te Shqiperise, Edi Rama. "Anulimin e marreveshjes e kerkuan grupime ekstremiste ne Shqiperi, ndaj pergjegjesia e Partise Socialiste te Shqiperise eshte se lideri i saj, Edi Rama u bashkua me keto forca. Madje, ai e deklaroi kontestin e tij qe prej dates 15 tetor te vitit te kaluar", deklaroi Bakojanis. Ajo shprehu keqardhjen qe "partia simoter e PASOK nuk mundi te kaloje stereotipat dhe te bjere dakord me kete marreveshje". Sipas saj, pergjegjesi per anulimin e marreveshjes ka edhe PASOK, e cila nuk i paraqiti pales shqiptare perfitimet nga ky pakt. Ajo tha se "PASOK duhej t'i kishte treguar aleateve te tij ne Partine Socialiste te Shqiperise, lidhur me perfitimet e pales shqiptare nga kjo marreveshje. Ne i ngritem marredheniet dypaleshe ne nje pike e cila konsiderohet si me te mirat ne historine e tyre, insistoj qe ajo u perpilua dhe u firmos, duke pasur parasysh te drejten nderkombetare te vendosur nga OKB", shprehu kritikat, ish-ministrja e Jashtme e Greqise, Dora Bakojani. Ajo shprehu keqardhjen per anulimin prej gjykates shqiptare te kesaj marreveshjeje. ish-shefja e diplomacise greke akuzoi qeverine e re greke te PASOK, qe nuk e dergoi marreveshjen per ratifikim ne Parlament, pasi ajo ishte shume e rendesishme per Greqine. "Madje, gjate kohes qe une drejtoja Ministrine e Jashtme, u mundova ta perfundoja ate sa me shpejt te ishte e mundur. Kjo marreveshje duhej te dergohej ne Parlamentin grek qe javen e pare qe ai u hap, me qellim krijimin e nje atmosfere pozitive, e cila do te pengonte kete fund aspak te kendshem", perfundoi fjalen e saj, Dora Bakojanis.
Manjani: Rama ka dhene "Ok" per paktin me Greqine
Ish-juristi i Partise Socialiste, Ylli Manjani, njeheresh anetar i Asamblese Kombetare te kesaj partie, deklaroi dje se "Edi Rama i ka dhene OK per marreveshjen e ujerave territoriale ish-ministres se Jashtme greke Bakojanis, ne nje vizite te kesaj te fundit ne Shqiperi". I ftuar ne edicionin e lajmeve te "Ora News", Manjani theksoi se Rama e ka shfrytezuar kete histori per interesat e tij politike. Nderkohe ai e ka cilesuar viziten e tre deputeteve te PS-se ne Bruksel si te domosdoshme dhe ne kohen e duhur. Sipas tij, mesazhet e tre deputeteve te cilet tregojne se partite socialiste evropiane nuk mbeshtesin bojkotin e opozites treguan genjeshtrat e Rames per gjoja mbeshtetje te ketyre partive per bojkotin. "Rama ka spekuluar se e majta ka mbeshtetur bojkotin dhe deklaratat e tre deputeteve qe ndodhen ne Bruksel, japin mesazhet e duhura per te kuptuar qe bojkoti eshte nje rruge pa krye", theksoi Manjani.
