Lohan: Demokracia, ne institucione

Ambasadori i Komisionit Evropian, Helmut Lohan, apeloi dje per nje demokraci parlamentare funksionale, duke theksuar se "funksionimi i plote i demokracise eshte shume i rendesishem". Ne nje deklarate per mediat, gjate punimeve te Forumit te trete Rajonal te Ballkanit Perendimor per bashkepunimin kufitar, zyrtari i lart i KE-se i ka kerkuar qe politikanet te percaktojne prioritetet per vendin. Ai theksoi se politika duhet te percaktoje sa me pare prioritetet per vendin, ne kohen qe Bashkimi Evropian po pergatit opinionin per Shqiperine. Gjate fjales se tij, Lohan ka vene edhe njehere theksin ne situaten politike te vendit, ku opozita eshte e vendosur ne kerkesen e saj per transparencen e zgjedhjeve mes hapjes se kutive dhe mazhoranca po aq e vendosur te mos hape kutite. "Eshte koha t'i jepet fund stanjacionit politik ne Shqiperi. Ketu nevojitet te kthehet sa me pare demokracia parlamentare funksionale. Sic e dini, Komisioni Evropian po pergatit opinionin per sa i perket statusit kandidat per Shqiperine, por cdo zgjatje e situates aktuale politike, do te demtoje objektivin e pergatitjes se opinionit", vleresoi ambasadori i Komisionit Evropian ne Shqiperi, Helmut Lohan. Ai tha se KE do te mireprese hapat qe do te ndermerren per zgjidhjen e kesaj ceshtjeje sa me pare.

Nga ana tjeter ministrja e Integrimit, Majlinda Bregu, e cila ishte e pranishme ne forumin e trete rajonal te Ballkanit Perendimor per bashkepunimin nderkufitar, gjate nje komunikimi per mediat kritikoi qendrimin e Partise Socialiste, ndaj ceshtjes se kredencialeve te delegacionit shqiptar ne Asamblene e Keshillit te Evropes. "Une besoj se edhe shqiptaret e tjere ne keto vite te zhvillimit dhe te ndertimit te demokracise kane menduar dhe kane marre mesazhe, pavaresisht nga cila ane e politikes, vetem per te qene pjese e Evropes, asnjehere nuk ka pasur ndonje force politike pergjate ketyre viteve pervec ketij rasti nje mesazh drejtuar Evropes per te dale jashte Evropes", u shpreh Bregu. Sipas tij, kjo ishte jo vetem cudi, por ishte turpi me i madh qe ka ndodhur gjate ketyre viteve nga perfaqesues te politikes shqiptare. Ajo theksoi se kjo retorike e fteses per opoziten, jo vetem nga qeveria shqiptare, jo vetem nga politikanet e mazhorances, por nga te gjithe nderkombetaret, bojkoti nuk sjell asnje dobi pervecse i ben dem vendit dhe qe diskutimi dhe zgjidhja e problemeve behet ne Parlament.