"Njerezit me pushtet, prishin futbollin"
E Enjte, 28 Janar 2010
Tirane- Policia e Shtetit shenjestron presidentet e klubeve te futbollit, ministrat, deputetet dhe deri tek kreret e shtetit, si shkaktaret kryesore te dhunes ne stadiume. Por "terheqjes se veshit" nuk i shpetojne as Federata Shqiptare e Futbollit dhe gjyqtaret e ndeshjeve, ku lojtaret rrihen me njeri-tjetrin ose sulmojne arbitrat. Per kete qellim, me nje deklarate zyrtare te bere publike dje nga zedhenesja e Policise se Shtetit, Klejda Plangarica, eshte kerkuar marrja e masave te duhura nga FSHF sipas rregullave te FIFA-s e UEFA-s per garantimin e rendit dhe sigurise, pasi ne stadiume mungojne standardet e kerkuara per realizimin e ketij misioni.
"Drejtoria e Pergjithshme e Policise se Shtetit, nepermjet strukturave te saj ka ne qender te vemendjes garantimin e rendit dhe te sigurise publike gjate zhvillimit te aktiviteteve sportive, qe zhvillohen ne vend", thuhet ne njoftim. Por me gjithe masat e marra nga uniformat blu, konfirmohet se ne disa ndeshje futbolli situata ka degjeneruar ne dhune fizike e anarshi ne fushe, duke dale jashte kontrollit. "Ne ndeshjet e zhvilluara ne stadiumet e qyteteve Tirane dhe Vlore, jane shfaqur ngjarje te dhunshme ndaj sportisteve, gjyqtareve dhe anetareve te tjere te federates, apo te klubeve. Nga analiza e zhvilluar ne lidhje me keto fenomene te dhunes ne sport, eshte konstatuar se ne te gjitha rastet cenimet e rendit publik ne keto aktivitete sportive, vec te tjerave kane ardhur si rezultat i shkeljes se rregullave nga vete perfaqesuesit e klubeve, arbitrat apo federata", thuhet ne deklarate.
Me poshte edhe nje liste me shkeljet e verejtura nga vete policia ne raportet e mbajtura per incidentet e fundit. "Eshte konstatuar perfshirje ne keto incidente e drejtuesve te klubeve sportive, te personave te zgjedhur ne organet e pushtetit vendor, te presidenteve te klubeve te futbollit dhe te disa prej futbollisteve", konstatohet ne deklarate. Gjithashtu eshte vene re mos marrja ne kohe e vendimeve nga ana e gjyqtareve, per nderhyrjen e forcave te policise ne fushe, ne rastet e ushtrimit te dhunes ndermjet futbollisteve, apo ndaj gjyqtareve te ndeshjeve, gje e cila do te ndikonte ndjeshem ne normalizim, sic e parashikon edhe rregullorja.
Lejimi nga drejtuesit e klubeve sportive dhe federata, ne piste apo ne bankina, te personave jashte rregullave te percaktuara per kete qellim, apo mos permbushja e standardeve dhe kushteve teknike te miratuara nga UEFA dhe FSHF, ne lidhje me infrastrukturen e objekteve sportive, qe ndihmon ne rritjen e masave te sigurise, jane dhe disa shkaqe te tjera perse dhuna eshte prezent ne stadiumet shqiptare.
Tre kushtet qe duhet te plotesoje "qeveria" e futbollit
Policia e Shtetit shprehu dje gatishmerine per te vazhduar bashkepunimin me Federaten Shqiptare te Futbollit dhe Komitetin Olimpik Shqiptar, me qellim garantimin e mbarevajtjes dhe zhvillimit normal te aktiviteteve sportive kombetare dhe nderkombetare. Po per te realizuar kete mision, policia i ka vene disa kushte organizmave te futbollit. "Permiresimi i infrastruktures se objekteve sportive, ne perputhje me standardet dhe kushtet teknike te miratuara nga UEFA dhe FSHF. Krijimin e kushteve te nevojshme per garantimin e rendit dhe sigurise publike, e forcimin e masave ndaj shkeljeve qe kryejne sportistet, drejtuesit e klubeve dhe autoritetet e tjera sportive, ne perputhje me akteve ligjore e nenligjore ne fuqi", jane tre kriteret qe duhen plotesuar sipas Policise se Shtetit.
Kater shkaqet e dhunes sipas policise:
1- Perfshirja ne keto incidente e drejtuesve te klubeve sportive, te personave te zgjedhur ne organet e pushtetit vendor, te presidenteve te klubeve te futbollit dhe te disa prej futbollisteve.
2- Mos marrja ne kohe e vendimeve nga ana e gjyqtareve, per nderhyrjen e forcave te policise ne fushe, ne rastet e ushtrimit te dhunes ndermjet futbollisteve, apo ndaj gjyqtareve te ndeshjeve.
3- Lejimi nga drejtuesit e klubeve sportive dhe federata, per qendrimin ne piste apo ne bankina, te personave jashte rregullave te percaktuara per kete qellim.
4- Mos permbushjes se standardeve dhe kushteve teknike, te miratuara nga UEFA dhe FSHF, ne lidhje me infrastrukturen e objekteve sportive
Ligji dhe rregullorja
Detyrimet per strukturat e Policise se Shtetit percaktohen ne zbatim te ligjit nr. 9749, date 04.06.2007, "Per Policine e Shtetit", ligji nr. 9376, date 21.04.2005, "Per Sportin", Urdhri nr. 35, date 11.12.1998, te Kryetarit te Keshillit te Ministrave "Per Komitetin Kombetar te luftes kunder dhunes dhe sjelljeve te pahijshme ne veprimtarite sportive", Konventes Evropiane "Kunder dhunes ne ndeshjet e futbollit", nenshkruar ne date 08.10.1998 dhe Rregullores se FIFA-s.
