Haiti ne pritje te ndihmave

Punetoret humanitare te cilet po synojne te shperndajne ushqim, uje dhe gjera te tjera ne Port-Au-Prince, thone se atyre duhet t'iu ofrohet nje siguri me e madhe ne kohen kur banoret e deshperuar te Haitit po presin ardhjen e ndihmave pas termetit katastrofal qe goditi vendin e tyre. Paqeruajtesit e OKB-se te cilet po patrullojne ne kryeqytetin e Haitit, theksuan se hidherimi i njerezve eshte duke u shtuar per shkak se ndihmat nuk jane shperndare me shpejtesine e duhur. "Per fat te keq, hidherimi i tyre eshte duke u shtuar dhe njerezit kane filluar ta humbasin durimin", deklaroi David Vimhurst, zedhenes i misionit paqeruajtes te OKB-se, i cili komandohet nga Brazili. "Frikesohem se te gjithe ne jemi te vetedijshem se situata po tendoset gjithnje e me shume", shtoi ai.

Agjencia e OKB-se Programi Boteror i Ushqimit (WFP) theksoi dje se depoja e saj eshte plackitur pas termetit. Zedhenesja e kesaj agjencie me seli ne Gjeneve, Emilia Casella, theksoi se ne qytet jane plackitur edhe dyqanet e ushqimit. Ajo shtoi se EFP eshte duke pergatitur transportin e ushqimit ne sasi te mjaftueshme per te ushqyer per nje muaj rreth dy milione banore te Haitit. Kryqi i Kuq Nderkombetar vleresoi se prej 45 deri ne 50 mije banore kane humbur jeten si pasoje e termetit, duke u bazuar ne te dhenat e Kryqit te Kuq te Haitit dhe ato te zyrtareve te Qeverise. Me qindra kufoma ishin vendosur dje para morgut te qytetit, ndersa vleresohet se nje numer shume i madh i njerezve ende gjenden nen germadhat e objekteve te rrenuara. Per banoret e shumevuajtur te Haitit, shtetit me te varfer ne hemisferen perendimore, shoku si pasoje e termetit po ia leshon vendin deshperimit. "Kemi nevoje per ushqim. Njerezit po vuajne. Fqinjet dhe miqte e mi po vuajne. Nuk kemi para. Nuk kemi asgje per te ngrene. Kemi nevoje per uje te paster", deklaroi 22 vjecari Sylvain Angerlotte.

Duke filluar nga Evropa, Azia dhe Amerika, me shume se 20 qeveri, agjenci te OKB-se dhe agjenci private per ndihma, kane derguar ushqim, uje te paster, tenda, pajisje te renda per heqjen e rrenojave, helikoptere dhe mjete tjera per transport. Me qindra ekipe shpetimtare dhe mjekesore gjithashtu jane nisur per ne Haiti. WFP ka organizuar qendra per distribuimin e ushqimit dhe ujit, theksoi Kim Bolduc, ushtruese e detyres e shefes se misionit te OKB-se ne Haiti. Ajo theksoi se fakti se nuk ka raporte per plackitje gjitheperfshirese eshte i jashtezakonshem, por shtoi se rreziku i shperthimit te trazirave sociale eshte tejet i madh, duke nenvizuar se bashkesia nderkombetare duhet te veproje me shpejtesi.

Qeverite dhe agjencite qeveritare kane premtuar ndihma ne vlere prej 400 milione dollaresh, perfshire ketu edhe 100 milione dollare nga SHBA. Por, ne diten e katert pas termetit katastrofal me fuqi prej 7.0 shkallesh te Rihterit, rrjedha e ndihmave u pengua per arsye te porteve te demtuara dhe pasi aeroporti u mbyll per tete ore, per shkak te mungeses se hapesires per aterrimin e aeroplaneve.

Banoret ne Port-Au-Prince vazhduan te qendrojne nen qiell te hapur, me shprese se do marrin ndihma. Grupe te vogla njerezish mund te shiheshin duke i varrosur te vdekurit skaj rrugeve. Por, nje numer i madh i te vdekurve mbetet i pavarrosur, duke shtuar keshtu rrezikun per shendetin e te mbijetuarve.

Inxhinieret nga radhet e misionit te OKB-se kane filluar t'i pastrojne disa rruge kryesore, ndersa per rregullin dhe ligjin tani ne teresi po kujdesen 3 mije ushtaret dhe policet nderkombetare, te cilet veprojne ne kuader te misionit. Javen tjeter pritet qe ne Haiti te zbarkojne rreth 5500 ushtare dhe marinse amerikane. Ata do te jene pergjegjes per ruajtjen e sigurise, deklaroi zedhenesi i Shtepise se Bardhe, Robert Gibbs. Pjesetaret e policise se Haitit nuk mund te shihen askund, pasi shume prej tyre jane te detyruar te perballen me humbjen e shtepive dhe te anetareve te familjes.