Ndryshimet klimaterike mund te pengojne progresin e Shqiperise
E Marte, 12 Janar 2010
Ndikimi i ndryshimeve klimaterike ne shoqeri dhe ne ekonomi ne nivel global, nuk kane mbetur jashte vemendjes se qeverise se Tiranes dhe organizatave te nderkombetare te pranishme ne vend. Me nje projekt te ri te lancuar nga Shqiperia, perfshihet ne levizjen boterore per te minimizuar pasojat negative te ndryshimeve klimaterike. Projekti quhet "Identifikimi dhe implementimi i masave per adaptim ndaj ndryshimeve te klimes ne deltat e lumenjve Drini - Mat". Ai eshte nje partnership mes qeverise se Tiranes dhe zyres qendrore te Programit te Kombeve te Bashkuara per Zhvillim, apo PNUD-it, qe do te realizohet ne kuader te Programit Nje OKB. Ne nje raport te fundit te OKB-se mbi Ndryshimet Klimatike ka konfirmuar ngrohjen e klimes, gje qe ndikon ne aktivitetin njerezor dhe jeten social - ekonomike. Ashtu si vende te tjera, edhe Shqiperia, nuk ka imunitet nga dukuri te tilla si rritja e nivelit te detit, shkrirja e akujve, ngjarjet ekstreme, thatesira, permbytjet, ngrohja dhe ndryshimet ne ekosistemet. Zona e deltave te lumenjve Drini - Mat, ku do te realizohet ky projekt, njihet per vlerat e saj te rendesishme lidhur me biodiversitetin, ne kuader global dhe kombetar, Projekti synon e kombinoje ndikimin e pafavorshem te ndryshimeve klimaterike me perpjekjet per ruajtjen e biodiversitetit global. Nje nga objektivat e tij prioritare eshte identifikimi i nevojes urgjente per te marre ne konsiderate ndikimet e shumta te ndryshimeve te klimes ne te gjitha planet, per te siguruar zhvillimin e qendrueshem ne kete zone. Projekti do te identifikoje dhe zbatoje masa nepermjet nje kombinimi te ndertimit te kapaciteteve teknike dhe institucionale vendase. Ato do te perfshijne: rivendosjen e habitatit te dunave bregdetare, modifikimin e planeve te mbrojtjes se zones midis deltes se lumenjve Drini - Mat dhe masave adaptuese te tjera lidhur me peisazhin e kesaj zone. Projekti i cili ka filluar qe ne vitin 2008 do te zgjase kater vjet dhe financohet nga Fondi per Mjedisin Global, qeveria shqiptare, PNUD-i dhe Qendra Rajonale e Mjedisit.
