Eksperti Vud: Pretendimet e Serbise nuk kane te bejne me realitetin
E Merkure, 02 Dhjetor 2009
Eksperti nderkombetar, Majkell Vud, fillimisht ka thene se pohimet qe u degjuan nga delegacioni i Serbise, nuk kane te bejne me realitetin. Vud ka pohuar se eshte shume e rendesishme te dihet konteksti ne te cilin eshte shpallur pavaresia e Kosoves. Ai ka thene se ne fillim te shekullit te kaluar, Kosova ishte okupuar me dhune nga Serbia. Mbreteria e Serbise, ne periudhen 1912-18, me dhune ka okupuar Kosoven qe ishte pjese e Perandorise Otomane, ka thene Majkell Vud, per te shtuar se Serbia, ne vitet pasuse, kishte vazhduar me persekutime dhe kolonizim masovik. Ai ka vene ne pah se Kosova gjithnje ka qene entitet autonom, ndersa ne ish-Jugosllavi njesi federale, si Sllovenia, Kroacia, Bosnja dhe njesitet tjera. Statusi qe Kosova kishte me Kushtetuten e vitit 1974, ishte i barabarte me ate te Sllovenise, Kroacise, Bosnjes dhe te republikave te tjera, ka thene Vud. Ne mbyllje, ai ka folur per angazhimet nderkombetare per zgjidhjen e ceshtjes se Kosoves, qe perfunduan me konkludimin e shume faktoreve nderkombetare dhe Marti Ahtisarit, se pos pavaresise, zgjidhje tjeter per Kosoven nuk ka. Pas zotit Majkell Vud ka folur eksperti tjeter nderkombetar, Daniel Myller, i cili gjithashtu ka thene se pohimet e delegacionit serb, te bera paraditen e djeshme, ishin te pabazuara ne disa rrafshe. Me ligjet nderkombetare njihet e drejta e Kosoves per shpallje te pavaresise dhe kete te drejte e ben te bazuar e drejta per vetevendosje, ka thene Daniel Myller. Ligji nderkombetar mund vetem te regjistroje faktin e Kosoves se pavarur, e cila disponon territorin dhe popullaten e vet, ka thene Myller, per te shtuar se e drejta nderkombetare nuk sakteson nese shpallja e pavaresise eshte e ligjshme ose e paligjshme.
SHPALLJA
"Shpallja e pavaresise se Kosoves nuk ka paraqitur shkelje te se drejtes nderkombetare dhe per me shume eshte rasti i fundit i shperberjes se ish-Jugosllavise, qe kishte filluar ne vitet '90", ka thene Myller dhe ka shtuar se kjo e drejte e saj del nga ushtrimi i se drejtes per vetevendosje dhe per shkak te krimeve qe jane bere mbi popullaten e saj.
