Anetaresimi i Kosoves ne BERZH
E Marte, 01 Dhjetor 2009
Banka Evropiane per Rindertim dhe Zhvillim eshte institucioni financiar i radhes, pas Bankes Boterore dhe Fondit Monetar Nderkombetar, ku Kosova synon te behet anetare. Ahmet Shala, minister i Ekonomise dhe Financave, thote se po punohet per kete ceshtje, por nuk deshiron te permende ndonje periudhe kohore se kur Kosova mund te pranohet ne kete institucion. Qe ky proces te realizohet ne menyre te suksesshme, Shala pohon se institucionet kosovare jane duke bashkepunuar me te gjitha strukturat nderkombetare, duke perfshire Komisionin Evropian, por edhe miqte nga Shtetet e Bashkuara te Amerikes. "Nuk mund te jemi ne ata, te cilet percaktojne daten e anetaresimit. Sigurisht qe do te jete nje procedure, konsideroj e koordinuar mire, po aq sa edhe anetaresimet deri me tani. Besoj se Kosova do te jete anetare e ketij institucioni ne periudhen me te shpejte te mundshme", shpreh bindjen Shala. Por, eksperte per ceshtje ekonomike thone se institucionet vendore jane vonuar per te aplikuar ne kete banke. Skender Berisha, profesor i Ekonomise Nderkombetare ne Fakultetin Ekonomik, thote se Ministria e Ekonomise dhe Financave nuk ka treguar interesim per kete ceshtje. "Sa i perket Ballkanit perendimor, ku eshte edhe Kosova, ende nuk eshte anetaresuar ne kete banke, sepse nuk kemi treguar ndonje interesim dhe nuk e kemi plotesuar aplikacionin per anetaresim, per shkak te neglizhences se Ministrise se Ekonomise dhe Financave dhe Bankes Qendrore te Kosoves", thote Berisha.
Por, ministri i Ekonomise, Ahmet Shala, thote se me gjithe gatishmerine e qeverise, anetaresimi ne kete banke nuk varet nga institucionet kosovare. "Ne momentin kur piqen kushtet, Banka Evropiane do te na dergoje ftesen per te bere aplikacionin dhe ne ate moment ne do ta bejme", thekson Shala. Ministri permend edhe perfitimet ekonomike nga anetaresimi ne kete mekanizem. "Sigurisht qe Banka Evropiane per Rindertim dhe Zhvillim do t'i financoje projektet e institucioneve publike".
"Qellimi jone eshte se, duke qene anetar i kesaj banke, ne mund te financojme edhe projektet e interesit publik, qofshin ato te nivelit komunal, te nivelit qendror apo rajonal", thote Shala. Pervec perfitimeve ekonomike pas anetaresimit te Republikes se Kosoves ne Banken Evropiane per Rindertim dhe Zhvillim, Skender Berisha thote se vendi do te perfitoje edhe ne aspektin politik. "Anetaresimi ne kete banke, Kosoves ia shpejton procesin e anetaresimit ne Unionin Evropian", thekson Berisha.
Qe nga perfundimi i luftes se fundit ne Kosove, Banka Evropiane per Rindertim dhe Zhvillim vazhdimisht ka ndihmuar projekte te ndryshme, si ne sektorin publik, ashtu dhe ne ate privat. Pavaresisht faktit se Kosova nuk eshte anetare e ketij institucioni, vite me pare, Misioni i Kombeve te Bashkuara ka arritur nje marreveshje me kete banke per mbeshtetje financiare dhe hua per Kosoven.
RFE
