Heqja e vizave, reagon Shkupi: Le te nise blerja e biletave
E Marte, 01 Dhjetor 2009
Sefer Tahiri
Ministria e Brendshme e Maqedonise ka pershendetur vendimin e Bashkimit Evropian per liberalizimin e vizave per qytetaret e Maqedonise, te cilet posedojne pasaporta biometrike. Ministrja Gordana Jankullovska tha se fakti qe qytetaret e vendit do te mund t'i rezervojne qe tani biletat per te udhetuar ne vendet Shengen, eshte nje vendim shume i rendesishem. "Vendimi i Keshillit te Bashkimit Evropian per venien e regjimit pa viza ka nje rendesi historike per qytetaret e Maqedonise. Mundesia per udhetim pa viza ne vendet e Bashkimit Evropian, me ne fund, u be realitet ne Maqedoni dhe me kete u realizua njeri nga prioritetet tona strategjike", tha Jankullovska. Ajo shtoi se ne Maqedoni 75 per qind e popullates posedon pasaporta biometrike, ndersa per ata qe nuk kane, procesi i dhenies se pasaportave vazhdon pa ndonje problem te theksuar.
Vendimin e ka pershendetur edhe Ministria e Jashtme e Maqedonise. Sipas ketij dikasteri, liberalizimi i vizave deshmoi kapacitetin institucional dhe administrativ per permbushjen e kerkesave ne kuader te procesit te integrimeve evropiane. Kjo thuhet se jep nje optimizem se me sukses do te ballafaqohen te gjitha sfidat qe do t'i sjelle procesi per hapjen e negociatave per anetaresim ne Bashkimin Evropian.
Nderkaq, ambasadori i Suedise ne Shkup, Llars Freden, tha se Maqedonia e meriton vendimin e BE-se per liberalizimin e vizave. "Maqedonia - ne listen e re te bardhe "Shengen". Ky eshte nje lajm i mire dhe paraqet nje pune mjaft pozitive per Maqedonine, por edhe per Malin e Zi dhe Serbine". "Per kete vendim eshte debatuar nje kohe te gjate ne te gjitha strukturat e BE-se. Ne jemi krenare qe kjo po ndodh ne momentin kur Suedia kryeson me BE-ne. Udhetimi pa viza nuk eshte dhurate e Bashkimit Evropian, por i merituar, sepse ne Maqedoni te gjithe kane punuar per t'u arritur kjo gje", - tha Freden.
