"CEZ": Jemi te hapur te bashkepunojme me grupin hetimor
E Marte, 01 Dhjetor 2009
Kompania Ceke eshte shprehur e gatshme te bashkepunoje me ekspertet e Komisionit Evropian, duke shprehur se deri ne fund te hetimit do te vertetohet qe kompania nuk ka manipuluar tregun. Sipas "CEZ", inspektimi i Brukselit konsiderohet normal dhe se eshte aplikuar edhe 20 kompani te tjera me aktivitet ne sektorin e energjise.
Kompania "CEZ" ne vendin tone ka aplikuar ne fund te shtatorit per rritje te cmimit te energjise elektrike ne masen 44%, me nje shtrije kohore prej dy vjetesh. Kerkesa e "CEZ" eshte duke u shqyrtuar nga Enti Rregullator i Energjise, nderkohe qe ky cmim eshte konsideruar i larte, jo vetem nga ekspertet e fushes, por edhe nga ministri i Energjetikes, Dritan Prifti. Aktualisht "CEZ Grup" perfshin nje konglomerat prej 96 kompanish, te shtrira kryesisht ne vendet e ish-Bllokut Lindor. Vitin i kaluar "CEZ" hyri edhe ne tregun shqiptar duke marre monopolin e shperndarjes se energjise elektrike permes blerjes se OSSH-se per nje vlere prej rreth 128 milione euro. Asetet e "CEZ" grup llogariten ne disa miliarde euro, nderkohe qe vetem vitin e kaluar kompania ka arritur te realizoje nje xhiro vjetore prej rreth 11 miliarde dollaresh, gati sa produkti i brendshem bruto i Shqiperise.
