Gripi, shperthen epidemia

Shqiperia eshte perfshire nga epidemia gripale. Pavaresisht se drejtuesit e institucioneve shendetesore pohojne se vendi eshte ne prag te epidemise gripale, ajo tashme eshte ulur kembekryq. Cdo jave paraqiten rreth 15 mije raste ne qendrat shendetesore, per te marre ndihme mjekesore, nderkohe qe per te shpallur epidemine duhen 17 mije raste. Por, nese perfshihen edhe personat te cilet e kalojne virusin e zakonshem ne kushtet e shtepise pa kerkuar ndihme mjekesore, rezulton se numri eshte me i larte se 17 mije paciente ne jave.

Epidemia

Drejtuesit me te larte te institucioneve shendetesore ne vendin tone, raportojne per rritje te numrit te personave te prekur nga gripi i zakonshem, i cili rezultoi se eshte me agresiv se gripi i derrave. Sipas tyre situata nuk eshte alarmante dhe ajo eshte e perballueshme ne kushtet te cilat jemi. Drejtori i ISHP-se, Alban Ylli ka deklaruar dje, se Shqiperia eshte ne pragun epidemik vjetor per gripin sezonal. Ylli ka theksuar se tashme vendi yne eshte ne pragun e epidemise se gripit sezonal, prandaj duhet bere shume kujdes nga qytetaret. "Qytetaret duhet ta trajtojne virusin A/H1N1 si gripi sezonal, sepse demet jane te barabarta. Kjo sepse gripi sezonal po shfaqet tejet agresiv dhe me raste te shumta nga java ne jave", ka pohuar Alban Ylli. Sipas tij, per sa i perket situates se gripit te derrave ne vendin tone, deri me tani jane regjistruar 198 raste, duke shtuar se ka nje qarkullim te dendur te infeksioneve respiratore akute. Gjithashtu drejtori i ISHP-se, Alban Ylli theksoi se vaksina qe do te vije ne Shqiperi, do te shperndahet falas per qytetaret duke theksuar se te paret qe do ta marrin kete vaksine jane femijet, personat me semundje kronike, grate shtatzena dhe nje grup i punonjesve shendetesore.

Vaksina

Ndonese autoritetet e shendetesise u bejne apel qytetareve, qe te marrin vaksinen kunder gripit te zakonshem, ne farmacite e kryeqytetit kjo vaksine nuk gjendet. Perhapja e shpejte e virusit dhe frika nga gripi i derrit, i ka nxitur qytetaret t'u drejtohen farmacive dhe prej disa ditesh vaksina ka mbaruar ne te gjithe njesite e shitjes se ilaceve. Farmacistet thone se jane furnizuar vetem ne fillim te tetorit dhe me pas ne depot farmaceutike nuk ka pasur me gjendje, pasi ishte siguruar nje sasi e vogel. Farmacistja Elda Tomcini, thote se vaksina eshte ne momentin e pare te ardhjes dhe popullsia eshte e interesuar per te, por ne depo nuk gjendet. Situata gripale ne vend, sa vjen e veshtiresohet pasi ne nje jave preken pothuajse 15 mije persona. Specialistet thone se kete vit, pervec gripit te derrit ne vendin tone edhe virusi i gripit sezonal eshte shfaqur mjaft agresiv.

Rastet e renda

Rreth 10-15 per qind e rasteve qe paraqiten cdo dite ne spitalin infektiv, te dyshuar me grip derrash, shtrohen. Prej tyre raste te renda ose shume te renda, jane nje perqindje shume e vogel, 0.2-0.5 per qind. Javen e fundit kemi pasur rreth 5 raste te renda. Tashme 4 prej tyre jane jashte rrezikut per jeten, ndersa njeri prej tyre eshte ende ne kurim.

Situata

Gripi i derrit ne vendin tone nuk ka shkaktuar asnje viktime, madje dhe komplikacionet qe ka sjelle tek pacientet e prekur, nuk kane qene te nje grade te larte. Megjithate edhe Shqiperia ka hyre ne harten e shteteve qe jane ne nje situate epidemike, por jo nga virusi A/H1N1, por nga gripi sezonal.