SIDA, 61 raste te reja ne nje vit
Sonila Isaku
E Marte, 01 Dhjetor 2009
HIV/AIDS ka prekur 61 persona gjate nje viti. Nga 1 dhjetori i vitit te kaluar deri sot, po ne 1 dhjetor, rezultojne se jane 61 presona te cilet jane prekur nga HIV/AIDS, ku 14 prej tyre kane qene vetem ne muajin dhjetor te vitit te vitit te kaluar, kurse 47 raste jane per vitin 2009. Te dhenat behen publike nga Instituti i Shendetit Publik, pikerisht ne Diten Boterore Kunder HIV/AIDS.
Virusi
Me te prekur vazhdojne te jene meshkujt edhe per kete vit numerohen 33 raste, nderkohe qe 14 jane femra. "Deri ne tetor 2009 jane konfirmuar 350 raste me infeksionin HIV/AIDS, vetem gjate vitit 2009 jane infektuar 47 raste te reja me infeksionin HIV. Tendencat ne rritje tashme jane te qarta, ne krahasim me vitet e meparshme", tregojne te dhenat e ISHP-se. Sipas ketyre te fundit virusi HIV/AIDS nuk eshte i importuar, por se fundmi po qarkullon brenda Shqiperise. Ndryshe nga vitet e shkuara, virusi i rende infektiv po qarkullon brenda vendit. Sipas tij, menyra kryesore e transmetimit mbetet rruga seksuale. Keshtu, nje fakt i tille flet per perhapje te shpejte te semundjes ne vendin tone, cka rrit alarmin per nje gje te tille. Ndaj, mjeket infeksioniste i sugjerojne popullates qe te jene vigjilente, te mbrohen ndaj rreziqeve te mundshme, duke perdorur mjete mbrojtese gjate marredhenieve seksuale. Gjithashtu, per perdoruesit intravenoze te drogave, kerkohet mjaft kujdes.
Keshillat
Mjeket infeksioniste keshillojne qe te gjithe ata qe dyshojne, por jo vetem, te kryejne sa me shpejt testin qe ofrohet falas ne disa qendra. Megjithese eshte fakt qe virusi vdekjeprures qarkullon brenda vendit tone, se fundmi bazuar ne numrin e personave te diagnostikuar dhe te raportuar, Shqiperia konsiderohet ende si nje vend me prevalence te ulet te infeksionit HIV. "Megjithate, tendenca ne rritje e numrit te rasteve dhe vleresimet sugjerojne nje numer me te madh te rasteve te pa diagnostikuar", deklarojne specialiste te Institutit te Shendetit Publik. Vlen per t'u permendur qe vetem kete vit, numri me te madh te rasteve e kane grupmoshat 25-40 vjec.
Burimet
Sipas raportit me te fundit publikuar nga ISHP, meshkujt vazhdojne te perbejne numrin me te madh te rasteve, ose 243 prej tyre. Ajo qe verejne mjeket infeksioniste, lidhet me faktin se verehet nje rritje e numrit te femrave me HIV pozitiv, shifer qe ka arritur ne 107 raste. Madje, nga rastet e reja te diagnostikuara ne vitin 2009, 14 prej tyre jane femra. Sa i perket menyres se infektimit, transmetimi seksual vazhdon te jete rruga kryesore. Keshtu, 287 paciente jane infektuar pikerisht me kete rruge. Nga keto, pjesa me e madhe jane heteroseksuale dhe 30 raste jane homo, apo biseksuale. Po keshtu te dhenat e ISHP-se tregojne se per vitin e fundit kemi 2 femije te cilet kane lindur me kete semundje, per shkak se nenat e tyre kane qene te infektuara. Duke filluar nga viti 2007 me mbeshtetjen financiare te Fondit Global, u be e mundur ngritja e qendrave te keshillimit dhe testimit vullnetar ne disa rrethe si; Tirane, Durres, Vlore, Fier, Korce, Lezhe, Shkoder, Gjirokaster, Berat dhe Elbasan. Ofrimi i ketij sherbimi, ka ndikuar ne rritjen e numrit te personave te testuar.
