Cerdhet, gati rikonstruksioni i 6 prej tyre
E Shtune, 28 Nentor 2009
Bashkia e Tiranes do te nise rikonstruksionin e 6 cerdheve ne kryeqytet. Me nderhyrjet qe pritet te behen, femijeve do t'u krijohen te gjitha kushtet e nevojshme per sa i perket aspektit edukativ, social dhe kulturor. Jane pikerisht cerdhja 19, 42, 52, 24 si dhe cerdhja tek "Bregu i Lumit" dhe ajo ne "Koder Kamez" te cilat do te perfshihen ne fazen e rikonstruksionit, ku perfshihen edhe ambiente shtese. Per here te pare, keto cerdhe do te kene te pranishem nje psikolog per femijet e vegjel, pikerisht ata te moshes 0 deri ne 3 vjec qe frekuentojne keto institucione. Por jo vetem kaq, nje rendesi e vecante i eshte kushtuar gjithashtu faktorit socializues, duke treguar kujdesin e duhur qe hyrja e femijeve te vegjel ne kete ambient te ri, te jete sipas te gjitha standardeve dhe te behet gradualisht, ne menyre qe ky mjedis qe i pret femijet, te jete pikerisht vazhdimesi e kontekstit familjar dhe t'i beje vogelushet, te ndihen komode e te sigurt ne keto ambiente te reja. "Rikonstruksioni i objekteve te mesiperme, do te siguroje zbatimin e standardeve per ndertimin dhe funksionimin e institucioneve te zhvillimit dhe edukimit te femijeve, 0-3 vjec. Gjithashtu, ketyre objekteve do t'iu shtohet e re dhoma e psikologut, salla shume funksionale, kuzhina profesionale dhe eshte planifikuar pajisja e plote me orendi te reja" pohojne drejtuesit e Ndermarrjes numer. 3 te bashkise se Tiranes. Sipas tyre, pritet qe pas kryerjes se tendereve te nise puna edhe per rikonstruksionin e disa kopshteve dhe jane po 6 kopshte, te cilat do te rikonsruktohen. Nje pjese e tyre ndodhen ne zonen periferike te Tiranes si ne Sauk, "Bregu i Lumit" etj.
Punimet
Rikonstruksioni i ketyre objekteve, synon krijimin e kushteve sa me te pershtatshme dhe te favorshme ne cerdhet dhe kopshtet e kryeqytetit, duke investuar per krijimin e ambienteve sa me pozitive per vogelushet.
