Rritja e tarifave te energjise, nuk ul konsumin
E Shtune, 28 Nentor 2009
Rritja e kerkeses per energji elektrike, eshte me e larte se per cdo burim tjeter energjie megjithese furnizimi neto me energji elektrike eshte rritur me me shume se 8.9 % ne vit, qe nga viti 1990. Ky mbikonsum i energjise elektrike, sidomos ne nivel tensioni te ulet ka cuar ne humbje shume te medha teknike, ne rrjetin e transmetimit dhe te shperndarjes per shkak te mbingarkeses, ose demeve te tjera qe i jane bere rrjetit. Kjo rritje e kerkeses po kapercen rritjen e faturimit te shitjeve te energjise elektrike, per shkak te nje niveli ne rritje te humbjeve jo-teknike. Ky "fenomen" praktikisht ka shperthyer qe nga 1991-1992 ne formen e konsumit nepermjet lidhjeve ilegale. Vlera e konsumit qe nuk matet vleresohet te jete ne nje nivel shume te larte krahasuar me konsumin faktik. Llogaritjet tregojne se, vlera totale e humbjeve eshte rreth 40 %, vlere e cila ruhet qe prej vitit 2003. Kjo do te thote se sa here qe KESH-i prodhon 1 kilovat/ore, kompania eshte ne gjendje te arketoje rreth 0,6 kilovat/ore. Sipas vendimit te Keshillit te Ministrave "Per Miratimin e Planit Kombetar per Zbatimin e Marreveshjes se Stabilizim-Asociimit" termoizolimi eshte nje nga kushtet kryesore, te cilin duhet ta zbatoje vendi yne. Por nga ana tjeter asnje nuk mendon se nese investon ne termoizolim, do te ule me rreth 60% perdorimi i energjise elektrike. Shqiptaret ne pergjithesi kane nje kulture mjaft te ulet, ose nuk kane njohuri per menyrat se si mund te jene efeciente ne perdorimin energjive alternative, per te kursyer te ardhurat. Nga ana tjeter asnje nga pallatet e reja qe ndertohen, nuk e respekton detyrimin ligjor per te instaluar sistemet qendrore te ngrohjes.
