Kerkesa e OSSH: Cmimi i energjise per familjaret te jete 9.15 leke
E Enjte, 26 Nentor 2009
Cmimi i energjise elektrike ne vitin 2010 kerkohet te jete me i larte dhe po ashtu, fatura per familjaret nuk do te jete e tarifuar me 2 shkalle, sic eshte deri me tani. OSSH ka kerkuar ne seancen degjimore te organizuar nga Enti Rregullator i Energjise, qe ndarja ne 2 blloqe, ne mbi dhe nen 300 kilovat/ore ne muaj te hiqet dhe cmimi fiks per familjaret, te jete 9.15 leke per kilovat/ore. OSSH ka kerkuar rritje edhe per te gjithe konsumatoret e tjere. Per kliente qe furnizohen ne tensionin e larte, rritja e kerkuar eshte 22 per qind, per ata qe furnizohen ne tension te mesem rritja varion nga 10 ne 30 per qind dhe po ne kete mase eshte kerkuar rritje edhe per operatoret e biznesit, qe furnizohen ne tension te ulet.
"Pas nje studimi te hollesishem kemi zbuluar se tarifa eshte shume larg nga kostot. Per kete shkak edhe ne vitin 2010, OSSH do te kete bilance negative. Kjo nuk vjen vetem si pasoje e humbjeve por edhe e cmimeve. Ndaj dhe ne kerkojme rritje te tyre", deklaroi Josef Heisek, drejtor i OSSH. Pervec OSSH rritje per tarifat kerkojne edhe kompanite shteterore, KESH dhe OST, aplikimi i te cilave kerkon qe kjo rritje te jete mesatarisht 17 per qind me e larte se tarifa aktuale. "Perllogaritjet e tarifes se furnizuesit publik me shumice jane bere duke konsideruar parashikimet me te fundit racionale dhe optimale te treguesve tekniko-financiar per vitin 2010. Ne kuader te ketyre kostove, duke u nisur nga parashikimet me te fundit, tarifa e nevojshme per KESH per vitin 2010 ka rezultuar te jete rreth 2.78 leke per kw/h",-tha Artur Kurti, perfaqesues i KESH. Brenda 15 dhjetorit ERE duhet te vendose per tarifat. Edhe pse asgje ende nuk eshte e konfirmuar zyrtarisht pritshmerite jane per nje rritje te ndjeshme te tyre.
