Mashtrimi me pensionet, nen akuze 6 minatore
E Merkure, 25 Nentor 2009
Korce- Mashtrimi me pensionet con ne prokurori gjashte minatore te Gurit te Kuq ne Pogradec. Zyra e Krimit Ekonomiko-Financiar ne Korce ka zbuluar dy dite me pare, falsifikimin ne degen e Sigurimeve Shoqerore per keto raste, duke nisur hetimin ne gjendje te lire per te dyshuarit nen akuzen e "Falsifikimit te dokumenteve". Burime zyrtare thane se te dyshuarit jane Ilia Bllazhda 48-vjec, Bujar Lipo 56-vjec, Stavri Mengri 53 vjec, Durim Mancellari 51-vjec, Bujar Selfollari 52-vjec, dhe Riza Bufi 55-vjec, te gjithe banues ne qytetin e Pogradecit dhe ish-minatore. Ne dosjet e tyre te pensionit, keta persona mesohet se kane paraqitur dokumente te falsifikuara, me qellim perfitimin e pensionit si minator nentoke. Dyshimet e para kane ardhur nga dega e Sigurimeve Shoqerore, pasi agjentet e kesaj zyre kishin marre informacion se personat e mesiperm kishin falsifikuar kohen e punes ne miniere, duke shtuar vitet e punes ne nentoke, apo dhe moshen. Per kete arsye agjentet kane nisur nje hetim te gjere, ku perfshihen edhe punonjes te administrates se minieres se Gurit te Kuq, por edhe specialiste te zyres se Sigurimeve Shoqerore, qe kishin pranuar keto dosje.
