Shkonin per mort, aksidentohet cifti
E Merkure, 25 Nentor 2009
KUKES- Shkonin per mort ne familjen e punetorit qe humbi jeten ne autostraden Durres-Kukes gjate montimit te nje ure, aksidentohet cifti nga Tirana. Nje tjeter aksident me pasoje plagosjen e tre personave, u shenua oret e vona te mbremjes se hene ne Shkoder, pasi u perplasen tre makina, kurse perplasja e nje autoveture me motokarron shkaktoi nje te lenduar ne aksin Pogradec-Korce. Policia tha se shkak i aksidenteve, kane qene ngricat ne rruge, shpejtesia e madhe dhe pakujdesia e shofereve.
Nje cift mbeti i plagosur rende rreth ores 10:00 te dites se djeshme ne aksin Thirre-Kalimash, teksa udhetonin ne drejtim te Kukesit per te marre pjese ne ceremonine mortore te punetorit te ndjere, Arben Mucmata. Policia vendore tha se ngjarja ndodhi ne dalje te tunelit, pjese e segmentit rrugor Tirane-Kukes, pikerisht ne fshatin Sang, kur makina me targa TR 0014 R ka dale nga rruga duke u perplasur. Per pasoje kane mbetur te plagosur Ismet dhe Hajrie Mucamataj, me origjine nga Hasi. Menjehere ne ndihme te ciftit kane shkuar personat e gjendur ne kete rruge, duke i derguar ne spitalin e Kukesit, ndersa nje helikopter ka bere transportimin drejt Tiranes per mjekim te specializuar. Si shkak te aksidentit, policia dyshon ngricat ne rruge. Te plagosurit ishin te aferm te Arben Mucmates, i cili vdiq te henen tek "Ura e Kaloshit", pasi e hodhi nga lartesia krahu i vincit. Aksidenti i dyte me tre te plagosur ka ndodhur ne oret e vona te mbremjes se hene ne Shkoder, ne vendin e quajtur "Harku i Berdices". Tre automjete jane perplasur me njera-tjetren si shkak i shpejtesise se madhe. Mjeti tip "Benz" me targa SH 5758 D eshte perplasur me nje "Wolksvagen" me targa SH 2939 E dhe me pas me nje tjeter makine qe vinte nga pas, por qe pesoi deme te lehta. Per pasoje u plagosen Azem Zagani 27 vjec, Lek Frroku 57 vjec, Skender Ymeri 52 vjec, qe u derguan ne spitalin e Shkodres, ku ndodhen jashte rrezikut per jeten.
Ngjarja e fundit u shenua ne aksin kombetar Pogradec-Korce, ne afersi te fshatit Bucimas, kur Bujar Veshollari, duke drejtuar mjetin motokaro me targa PG 108 A, eshte perplasur me nje motociklete pa targa, e cila drejtohej nga Armand Hoxhallari 24-vjec. Per pasoje eshte plagosur Hoxhallari, i cili ndodhet ne spitalin e Pogradecit per mjekim dhe jashte rrezikut per jeten. Shoferi i dyshuar do te hetohet ne gjendje te lire per kete aksident.
