Buxheti per Mbrojtjen, Imami i pakenaqur nga fondi i dhene

I pakenaqur per fondet e percaktuara ne projektbuxhetin e shtetit per vitin e ardhshem, u shpreh dje ministri i Mbrojtjes, Arben Imami. I pranishem ne Komisionin Parlamentar te Sigurise, Imami tha se nevojitet me shume mbeshtetje financiare, per ministrine qe ai drejton, per realizimin e reformes ne ushtri. Sipas tij, fondet nevojiten ne menyre qe ushtria shqiptare, te arrije nivelin e nje ushtrie qe ka nje vend anetar ne NATO. Ndaj sipas ministrit, ne kete aspekt, me shume fonde i nevojiten Ministrise se Mbrojtjes ne buxhetin e shtetit per vitin e ardhshem. Fondet nevojiten per rritjen e pagesave per ushtaret, argumentoi para deputeteve ne komision, ministri. Vendi yne u anetaresua zyrtarisht me te drejta te plota ne NATO, ne prill te ketij viti. Vetem pak muaj me vone, Shqiperia dorezoi zyrtarisht edhe kerkesen per marrjen e statusit te vendit kandidat ne Bashkimin Evropian.