Ina Rama: Buxheti, me shume fonde

Institucionet e drejtesise, u ankuan dje ne Komisionin parlamentar te Ligjeve, per fondet e pamjaftueshme qe sipas tyre u jane caktuar ne buxhetin e shtetit per vitin e ardhshem. Prokurorja e Pergjithshme, Ina Rama, u shpreh para deputeteve te mazhorances, se fondi i percaktuar per kete institucion prej 1.336.855 lekesh eshte i pamjaftueshem. Sipas saj, ky institucion do te rrise numrin e personelit me 40 punonjes, ndaj fondi ne buxhet nuk mjafton. "Numri i punonjesve duhet te rritet per shkak te risive ne institucionin e prokurorise, sic eshte dhe ligji per marredheniet me jashte. 40 punonjes eshte nje numer i domosdoshem qe ne duhet te shtojme, ne menyre qe strukturat te funksionojne", theksoi Rama. Sipas saj, prokuroria kerkon me shume fonde per shkak te rikonstrukturimit te saj. Vec kesaj numri nje i organit te akuzes, ka kerkuar ngritjen e sherbimit te ekspertimit nga fusha e finances dhe teknologjise, nevoje e vitit te shkuar, e cila do te sherbeje per hetimin e krimit financiar, pasi shpesh here prokuroria eshte gjendur ne veshtiresi per te perpiluar nje akt ekspertimi, sepse duhen individe me njohje ne fushen e financave e teknologjise, nevoja e nje konsulenti per te lexuar nje material te tille. Ankesa pati edhe Keshilli i Larte i Drejtesise. Nenkryetari i KLD-se, Kreshnik Spahiu, u shpreh se ndonese ne kete institucion u pranua shtesa prej 10 punonjes, rritja e kontrolleve ne te gjitha gjykatat e vendit kerkon me shume njerez. "Vetem 12 inspektore realizojne te gjitha detyrat me ankesat qe vijne. Vetem ne keto muaj brenda vitit 2009 ne KLD jane adresuar 900 ankesa, te cilat jane pjese e punes se inspektoratit per t'u verifikuar", u shpreh Spahiu. Sipas tij, ne gjyqesor nuk regjistrohen dhe nuk filmohen dot seancat gjyqesore, ku nje numer kaq i kufizuar i inspektoratit, nuk mund te dokumentoje dhe te verifikoje se cfare ndodh ne seancat gjyqesore. Ndaj numri dy i KLD-se, kerkoi rritje te numrit te inspektoreve, per thellimin e monitorimit, vezhgimit dhe verifikimit te problemeve. Me shume fonde kerkoi dhe Avokati i Popullit, i cili theksoi se puna dhe verifikimi ne terren, kerkojne me shume nepunes, per rrjedhoje edhe fonde. Pakenaqesite ne Komision, i shprehen edhe perfaqesuesit e administrates gjyqesore. R. Rapushi