"Do te mbjellim 50 milione rrenje ullinj"

Kryeministri Berisha mori pjese dje ne Konferencen Kombetare "Ullishtaria shqiptare ne rrugen e zhvillimit intensiv", ku parashtroi edhe projektin e qeverise per kultivimin e kesaj bime ne terma afatmesem. Gjate fjales se tij, Berisha theksoi se projekti per ullirin, i shpallur nga qeveria si projekt kryesor per kater vitet qe vijne, eshte nje projekt kompleks, ambicioz, i cili synon nje permiresim te rendesishem te fondit te ullishtes ekzistuese dhe nje perpjekje te gjithanshme per rritjen e prodhimit te saj. Nisur nga kjo kryeministri deklaroi se qeveria nuk do te mjaftohet vetem me mbjelljen e 20 milion rrenjeve, por do ta coje kete shifer ne 50 milion. "Pesefishimi i ketij fondi ne kater vitet qe vijne eshte nje nga zotimet tona ambicioze. Ne duhet te mbjellim ne 4 vjet 20 milione rrenje ullinj, per te hapur perspektiven e se paku 30 milione te tjera gjate viteve ne vazhdim", deklaroi Berisha. Gjithashtu, Berisha vleresoi punen e bere nga ministria e Bujqesise dhe grupi i punes i ngritur per projektin ambicioz te ullirit, te cilet kane bere nje studim serioz te tokes, parcelave te mundshme per mbjelljen e ullinjve dhe gjendjes ekzistuese te tyre, si dhe te gjitha politikat qe duhen ndjekur ne kete drejtim. Te pranishem ne konferencen e djeshme ishin Ministri i Bujqesise, Ushqimit dhe Mbrojtjes se Konsumatorit, Genc Ruli, perfaqesues te Parlamentit, drejtues te Instituteve te Ullirit, perfaqesues te projekteve te ullirit, specialist te kesaj fushe nga i gjithe vendi.