Meta: Fqinjeve po u ofrojme turizem detar
E Marte, 03 Nentor 2009
Ceremonia e celjes se vitit te ri akademik ne Universitetin Europian te Turizmit, i vetmi ne Ballkan dhe Mesdhe, u shfrytezua dje nga drejtuesit dhe autoritetet me te larta te shtetit per te evidentuar faktin se turizmi eshte sektori qe duhet mbeshtetur me shume pasi eshte me potenciali ne vendin tone. Zevendeskryeministri dhe Ministri i Jashtem Ilir Meta, duke folur ne kete ceremoni, tha se turizmi eshte nje prioritet shume i rendesishem i qeverise shqiptare. Kurse ministri i Turizmit, Kultures, Rinise dhe Sporteve, Ferdinand Xhaferri, i vuri theksin lajmit se EUFT do te jete nje nga partneret me kryesore te ministrise per ceshtjet qe lidhen me zhvillimin e turizmit ne Shqiperi. Rektori i Universitetit te Tiranes, prof. Dr. Dhori Kule, e konsideroi si te rendesishme mbeshtetjen e qeverise shqiptare per arsimimin e te rinjve dhe te rejave dhe shprehu vleresimin per faktin se EUFT po kontribuon ne kete drejtim, duke u fokusuar ne turizem, si sektori me i rendesishem per zhvillimin e Shqiperise. Sakaq, kryetari i Bashkise se Lezhes, i meshoi zhvillimit te projekteve turistike ne qytetin e tij, duke vleresuar se bashkepunimi me EUFT ka mundesuar nisjen e zhvillimit ambicioz te turizmit rajonal.
***
Ne fjalen e tij, z.Meta tha se te gjithe, duhet te ndihemi krenare per faktin se Universiteti Europian per Turizmin eshte ndoshta i vetmi ne Ballkan dhe Mesdhe, qe ka si fokus ekskluziv te studimeve fushen e Turizmit. 'Dhe jo rastesisht ky Universitet eshte fryt i nismes se Komisionit Europian, i cili e konsideron Shqiperine si nje vend me nje potencial te jashtezakonshem ne fushen e Turizmit", - tha zv/Kryeministri.
Meta shprehu bindjen se "zhvillimi i qendrueshem ekonomik ne vend nuk mund te kuptohet kurrsesi pa kontributin e rendesishem te turizmit" - dhe shtoi se - "per kete arsye ky sektor prioritar do te jete kryefjala e axhendes te Qeverise shqiptare".
Zv/kryeministri evidentoi se "ne jemi te bekuar per vlerat e rralla turistike qe ofron natyra shqiptare, por njekohesisht jemi te vetedijshem se nuk jemi aq mirenjohes ndaj natyres per keto bukuri perrallore qe na ka dhuruar" - ndaj theksoi se "mbrojtja dhe zhvillimi i mjedisit jane vendimtare per te zhvilluar nje turizem te qendrueshem, konkurrues dhe afatgjate". Nderkohe z.Meta pohoi dhe faktin se vendeve te rajonit, si Maqedonise, Malit te Zi, Bosnje-Hercegovines dhe se Shpejti Serbise, u eshte bere nje favor duke pranuar heqjen e vizave dhe pagesave doganore sepse u eshte mundesuar dalja ne det: "Ne kete menyre ne do t'i krijojme mundesin e ketyre qytetareve, vendet e te cileve pothuajse nuk kane det, te kene Shqiperine si destinacion turistik ne te ardhmen". Nderkohe zv/kryeministri lajmeroi zgjerimin e rrezes se turisteve qe vijne ne vendin tone: "Zv/kryeministri i Kines, u angazhua se qeveria kineze do te rekomandoje Shqiperine per te gjithe qytetaret e saj si nje destinacion turistik. Kjo do te thote qe me pak angazhim te pakten nje milion turiste vijne nga Kina cdo vit". Por ketu, z.Meta shtroi nje pyetje: "Edhe kaq turiste te vijne nga Kina cdo vit a i kemi ne ne gjendje kapacitetet per t'i pritur dhe akomoduar ne keta turiste".
***
Rektori i EUFT, prof. Dr Salvatore Messina, ne fjalen e tij u shpreh se celja e vitit te ri akademik eshte nje lajm i mire jo vetem per kete institucion arsimor por edhe per zhvillimin e vendit, sidomos ne industrine turistike e cila sipas te dhenave qe ai citoi nga Komisioni Evropian, do te jete sektori me i fokusuar per zhvillimin e Shqiperise.
Dr. Messina citoi gjithashtu shifrat e Komisionit Evropian, kur tha se per 15 vitet e ardhshme, per cdo vit, Shqiperise do t'i duhen jo me pak se tre mije persona te ingranuar ne sherbimet turistike. Ketu permende agjencite turistike, menaxhimi i bareve, restoranteve, komplekseve turistike, guidave, etj.
***
Ministri Xhaferri, tha nder te tjera se nismat e ndermarra nga profesoret dhe studentet e ketij universiteti ne parkun arkeologjik te Apolonise dhe parkun natyror te Divjakes per permiresimin e metejshem te sinjalistikes, mbeturinave, muzeut etj., te cilat kane per qellim te ndryshojne imazhin e ketyre parqeve, kane para se gjithash nje risi ne menyren se si po zbatohen keto nisma. Xhaferri lajmeroi se EUFT do te jete nje nga partneret me kryesore te ministrise per ceshtjet qe lidhen me zhvillimin e turizmit ne Shqiperi.
