KQZ, vendos mospasjen e vendvotimeve me kamera

KOSOVE - Komisioni Qendror i Zgjedhjeve (KQZ) nuk e ka miratuar kerkesen e disa prej partive opozitare, per vendosjen e kamerave ne vendvotime ne zgjedhjet komunale te 15 nentorit. KQZ-ja konsideron se transparenca e votimit, duhet te sigurohet ne forma te tjera. "Vendimi i KQZ-se eshte negativ, sa i perket vendosjes se kamerave, pra nuk ka kamera ne vendvotime. Transparenca do te sigurohet ne menyra te tjera, permes KKZ-ve dhe KVV-ve. Kemi mbi 3000 vendvotime prandaj vendosja e kamerave nuk eshte e nevojshme dhe se do te jete pengese, per rrjedhjen normale te procesit te zgjedhjeve",- tha kryetarja e KQZ-se, Nesrin Lushta. Duke folur pas takimit qe zhvilloi sot KQZ-ja, Lushta garantoi se pavaresisht qe kamerat nuk do te vendosen qe qendrat e votimit do te kete transparence gjate tere rrjedhes se procesit. Pavaresisht premtimit te qeverise se do te permbushe te gjitha kerkesat e KQZ-se, Lushta ka thene se vendimi pro kamerave do te ishte i pazbatueshem per shkak se do te duhej te ndryshohej ligji per buxhet. Ndersa Betim Gjoshi nga radhet e PDK-se ka thene se vendosja e kamerave do te ndikonte ne privatesine e votuesve dhe nuk ka te beje me transparencen e procesit zgjedhor.

Kerkesa per vendosjen e kamerave eshte bere nga partia opozitare, Aleanca Kosova e Re e Behxhet Pacollit, me qellim te rritjes se transparences se procesit zgjedhor. Kjo kerkese eshte mbeshtetur edhe nga partite tjera opozitare dhe Lidhja Demokratike e Kosoves ne pushtet, perderisa partia me e madhe, ajo Demokratike e kryeministrit Hashim Thaci nuk eshte deklaruar per kete ceshtje. Zyrtare te Komisionit Qendror te Zgjedhjeve, kane bere te ditur se Keshilli per Buxhet dhe Financa, po analizon mundesite per vendosjen e kamerave te vezhgimit ne mbi 2000 vendvotime dhe koston e tyre.