Mbikeqyrja e FMN "zevendesim" nga BE

Mbikeqyrja e zhvillimeve makroekonomike nga Fondi Monetar Nderkombetar ne vitet ne vazhdim do te zevendesohet nga institucionet e Bashkimit Evropian si rezultat i procesit te integrimit ne te cilin ndodhet vendi. Ne kete kuader Shqiperia raporton vit per vit ne Komisionin Evropian, dokumente qe kane te bejne me politikat afatmesme fiskale dhe buxhetore. Ne kuader te plotesimeve te kushteve te anetaresimit ne BE eshte hartuar se fundmi kuadri fillestar makroekonomik e fiskal per periudhen 2010-2012 qe eshte pjese e sistemit te planifikimit te integruar dhe pergatitet nga Ministria e Financave. Kuadri makroekonomik e fiskal pergatitet me qellim qe te ofrohet informacion per percaktimin e perparesive strategjike, shpenzimeve agregate, synimeve ne lidhje me te ardhurat dhe deficitin, si edhe per percaktimin tavaneve per te filluar procesin e pergatitjes se Programit Buxhetor Afatmesem (PBA) ne nivel ministrie. Kuadri fillestar makroekonomik e fiskal miratohet nga Komiteti i Planifikimit Strategjik ne muajin e pare te cdo viti, dhe eshte subjekt rishikimi dhe perditesimi ne dy momente kyc gjate vitit, ne muajin maj, perpara finalizimit te PBA-se dhe te "tavaneve" te PBA-se per shpenzimet, dhe ne muajin shtator, perpara dergimit ne Parlament te projekt buxhetit te shtetit. Dokumenti raportohet edhe ne Komisionin Evropian. Por gjithsesi "kontrata" me Fondin do te do te jete e vlefshme deri ne anetaresimin e plote te vendit te Bashkimin Evropian. Deri me tani marreveshja e FMN me qeverine shqiptare eshte e fokusuar ne auditim te rrepte te treguesve themelore buxhetore dhe makro-ekonomike, te tille si inflacioni dhe rritja e qendrueshme ekonomike.