Studio gjermane, projekt per shnderrimin e Korces

Korce- Konkursi nderkombetar per masterplanin e qendres se qytetit te Korces, ka perfunduar me zgjedhjen nga ana e nje jurie, po nderkombetare, te studios fituese qe do te jete "Bolles & Willson", nga Gjermania. Per fazen finale te ketij konkursi, u perzgjodhen kater nga 12 studiot pjesemarrese, vendase dhe te huaja, por juria ne perberje te se ciles ishin edhe emra te njohur te arkitektures evropiane, ja ka besuar transformimin urbanistik te qytetit te Korces, studios gjermane. Studimi i qendres se qytetit do te krijoje mundesi per nje zhvillim te programuar dhe te qendrueshem te tij, por ne te njejten kohe do t'i hape rruge investimeve publike ne qender, per ta modernizuar kete hapesire publike, ne dobi te qytetareve. Projektet e prezantuara ne kete konkurs, synonin qe Korca neser te jete nje qytet ku do te harmonizohet arkitektura e vecante, qe vjen nga tradita me ndertimet moderne te qendrave tregtare dhe pallateve, te plotesuara nga shtimi i hapesirave te gjelbra, ambienteve sportive, krijimin e zones pedonale dhe ndertimin e parkingjeve ne dy bulevardet kryesore te qytetit. Nuk kane munguar as idete per ndertimin e objekteve shumekateshe ne qender, sic ishte projekti i studios portugeze, apo studioja holandeze, qe kishte projektuar ndertimin e shatervaneve te medhenj ne te dyja qendrat e qytetit. Ndersa studioja fituese, kishte parashikuar ne projektin e saj ndryshime funksionale moderne, pa demtuar teresine e ndertimeve tradicionale te Korces. Ne qender te qytetit do te ndertohen disa komplekse tregtare, qe nuk do te kalojne me teper se 6 kate.

D. Zisi