QSUT, 420 paciente ne urgjencat e spitaleve

Ndryshimi i herepashershem i temperaturave gjate ketyre diteve te fundit, ka rritur ndjeshem numrin e pacienteve te cilet i drejtohen spitalit. Jane rreth 420 raste, te cilet gjate fundjaves kane kerkuar ndihmen e mjekeve specialiste te Qendres Spitalore Universitare "Nene Tereza". Ne spitalin Pediatrik, jane paraqitur gjate fundjaves rreth 200 paciente te vegjel, me simptoma te stines. Pasi kane marre ndihmen e duhur si dhe keshillat perkatese nga mjeket, pacientet jane larguar nga ambientet e spitalit. Po keshtu prane Spitalit Infektiv, jane paraqitur rreth 100 paciente ndersa ne sherbimin e kardiologjise rreth 100-120 paciente, me simptoma nga temperaturat e larta. Mjeket bejne apel qe te tregohet kujdes me ushqimet qe konsumohen, per te cilat bleresit duhet te sigurohen qe jane te kontrolluara dhe te sigurta. Ata keshillojne konsumimin e sa me shume lengjeve, deri 2 litrave uje ne dite, fruta dhe zarzavate, ndersa kujdes te vecante duhet te tregohet per femijet, te moshuarit, grate shtatzena e te semuret kronike. Ndersa, disa nga masat qe duhen te merren per parandalimin e infeksioneve dhe virozeve jane konsumimi i ujit te sigurt (te blere ose te zier nga cezma, kur nuk jemi te sigurt per cilesine e tij), larja e vazhdueshme e duarve, ruajta e ushqimeve ne frigorifer apo ne vende te fresketa, konsumim i fresket i ushqimeve, sidomos atyre me permbajtje bulmetrash, vezesh, mishit, etj.



Urgjencat

Shtimi i te prekurve nga virozat e stines, ka bere qe fluksi i pacienteve qe kerkojne ndihmen e pare, te jete i paperballueshem nga mjeket e repartit te Pediatrise. Gjate oreve te pasdites dhe naten ne urgjencen e Pediatrise, punon vetem nje mjek dhe disa infermiere, nderkohe qe kerkesat per ndihme mjekesore jane shume te medha.