Gripi i derrit, nje student i dyshuar

Nje student nga Gjirokastra ka rezultuar pozitiv per sa i perket virusit te gripit A, ndersa gjate dites se sotme priten rezultatet me te detajuara nese ky grip eshte H1N1, apo thjesht grip i zakonshem qe prek njerezit. Te dhenat jane bere publike nga Instituti i Shendetit Publik, i cili analizon te gjitha rastet e dyshuara. "Kemi vetem nje rast te ekzaminuar qe ka dale A, por qe mendohet se eshte grip i zakonshem. Te marten, pjesen tjeter te mostrave, do ta dergojme ne Rumani. Duhet kontrolluar se mos virusi, nese vjen gjithmone, perhapet ne ndonje komunitet te caktuar. Deri tani nuk ka pasur raste, por mund te kete qene nje rast sporadik dhe te kete kaluar", deklaron shefja e departamentit te Semundjeve Infektive ne ISHP, Silva Bino. Sipas saj, analiza e studentit do te konfirmohet ne Rumani.

Dyshimet

Nga dita ne dite ne ISHP, rritet numri i mostrave qe merren per rastet e dyshuara me gripin e derrit. Te pakten ne nje jave do te merren 10 mostra. Deri me tani Instituti i Shendetit Publik, ka marre 71 mostra per te investiguar ne Fier, Durres, Gjirokaster e Shkoder duke perfshire edhe ditet e fundjaves. Sipas specialisteve, kjo eshte dhe nje nga direktivat kryesore te OBSH, me qellim mbajtjen nen kontroll te situates, ne nje kohe kur Shqiperia nga momenti ne moment mund te shenoje rastin e pare. Te gjitha mostrat e marra, pasi analizohen fillimisht prane ISHP, dergohen me pas ne qendren e references per Evropen juglindore ne Rumani. "Brenda dy oresh, ne nxjerrim rezultatin dhe kemi gjithe aparaturat per te bere kontrollin molekular, por kemi analiza te tjera qe nuk i bejme dot. Shpresojme qe ne gusht, te perfundoje laboratori i ri ne ISHP", shton Bino. Nga ana tjeter, sipas departamentit te Epidemiologjise, te gjitha kontrollet qe behen ne laboratore jane rutine, duke qene se kjo tashme eshte bere pjese e punes se perditshme. Do te jepet nje pergjigje publike, ne rast se analizat evidentojne rastin e pare ne Shqiperi te prekur me H1N1.

Tashme edhe mjeket e familjes, ndonese jo te gjithe jane te trajnuar, duhet t'i marrin vete mostrat e rasteve me grip. Nderkohe, qe ne te gjithe spitalet rajonale te vendit eshte shperndare nje sasi e konsiderueshme Tamiflu. S. Isaku



71

Kampine

Analizash ka marre deri me tani Instituti i Shendetit Publik ne Fier, Durres, Gjirokaster e Shkoder duke perfshire edhe ditet e fundjaves. Sipas specialisteve, kjo eshte dhe nje nga direktivat kryesore te OBSH.



4

Persona

Jane dyshuar deri me tani si "rastet me serioze" nga specialistet e Institutit te Shendetit Publik dhe mjeket. Ka qene nje grua e kthyer nga SHBA, punonjesi i Ministrise se Jashtme, nje shtetas nga Britania dhe se fundmi, studenti nga Gjirokastra.



Simptomat

Pacientet kane probleme me frymemarrjen, dhembje te trupit, apo shqetesime gastrointestinale. Pas konfirmimit te strukturave shqiptare, pacientet dhe Instituti i Shendetit Publik, pret nje tjeter pergjigje nga laboratoret jashte vendit.