Spitalet, gati per gripin e derrit

Te gjitha institucionet shendetesore ne vendin tone, jane duke marre masat per sa i perket ardhjes se gripit te derrave. I pari qe eshte pergatitur ka qene Spitali Infektiv, nderkohe qe spitalet e rretheve dhe kryesisht ato kufitare, jane duke pergatitur personelin dhe ambientin. Keshtu ne Gjirokaster, qe mendohet se do te jete nje nga pikat me te nxehta, qe mund te regjistrohen edhe rastet pas ardhjes se emigranteve nga Greqia, ka nisur nje plan i vecante masash i cili eshte pergatitur nga prefektura, me qellim koordinimin e punes se organizmave te bujqesise, mbrojtjes se shendetit etj. "Aktualisht ne jemi duke koordinuar punen mes institucioneve te bujqesise dhe mjekesise ne rang qarku, me qellim perballimin e cdo situate ne kete drejtim, aq me teper kur aktualisht shenohet edhe kthimi i emigranteve nga Greqia per pushime", thote prefektja e Gjirokastres, Mimoza Como. Sipas saj specialistet e bujqesise dhe ushqimit, vazhdojne analizat laboratorike duke vezhguar nga afer situaten, nderkohe qe organizmat e mjekesise dhe spitalet kane te gjithe infrastrukturen e nevojshem per te perballuar infeksionet e mundshme nga ky virus. Ndersa ne Spitalin Infektiv ne Tirane, aty ku do te priten edhe rastet e para te te prekurve nga virusi H1N1, nuk ka dhoma te mjaftueshme per rastet e para. "Mund te mbulojme 10 veta diten e pare. Jemi pergatitur qe rastet e para t'i mirepresim, por popullata duhet te jete e pergatitur, per rastet qe do te menaxhohen ne shtepi", u shpreh doktori Pellumb Pipero.