Shqiperia harton planin e masave
E Premte, 10 Korrik 2009
Alarmi per nje ardhje me te shpejte se parashikimet te gripit te derrit ne vendin tone, i ka detyruar institucionet e larta shendetesore te hartojne planin e masave per te perballuar nje situate epidemie. Me mbeshtetjen e eksperteve te zyres se OBSH ne Tirane, plani eshte cilesuar si pergatites per spitalet ndaj krizave te tilla, si pandemia e gripit. Hapi kryesor qe konsiderohet thelbesor per ekspertet, eshte zona e sherbimit te urgjences, si porta e pare pritese e pacienteve te prekur nga virusi A/H1N1. Sipas planit, kjo zone duhet te jete e vendosur brenda spitalit dhe te siguroje sherbim ne cdo ore, me burime njerezore dhe logjistike te posacme. Ne strategjine e menaxhimit te krizes, percaktohen qarte hapat sipas kater niveleve te riskut qe paraqet ky virus te ndara ne; nivelin e pare i quajtur niveli i vetedijes, ne te cilin duhet identifikuar e parandaluar perhapja e metejshme e virusit. Me pas vijon hapi i dyte, menaxhimi i shqetesimit social ku theksohet identifikimi i grup popullates se prekur, niveli i trete percakton shkallezimin e epidemise, ku thelbesore jane standardet e sherbimit, forcimin e kapaciteteve laboratorike etj. Niveli i katert eshte faza pandemike, ku theksohet sigurimi i kapaciteve maksimale ne spitale per te qene te afta te perballojne pandemine. Sipas strategjise, spitalet duhet te kene gati furnizimin me antibiotike, antivirale, vaksina nese jane ne dispozicion dhe furnizim me ushqime, per pacientet dhe punonjesit.
