Shqiptaret, me 2010 pa viza ne BE
Fatjona Mejdini
E Premte, 10 Korrik 2009
Shqiptaret do te mund te levizin ne vendet e Bashkimit Evropian pa viza, brenda vitit 2010. Deklarata u be dje ne Bruksel nga komisioneri per Drejtesine ne Bashkimin Evropian, Zhak Barrot. Sipas tij, per te perfituar regjim te liberalizuar vizash, Shqiperia dhe Bosnje-Hercegovina duhet te plotesojne pergjate kesaj kohe nje sere kerkesash, te bera nga Komisioni Evropian muaj me pare. "Shqiperia dhe Bosnja do te perfitojne vone ne vitin 2010, sepse ato duhet te plotesojne disa standarde", deklaroi ne konferencen e shtypit ne Bruksel, Barrot. Komisioneri per Drejtesi dha dje lajmin per propozimin, qe do te behet pas nje jave nga Bashkimi Evropian ne kuader te liberalizimit te vizave, per qytetaret e Maqedonise (FYROM), Serbise dhe Malit te Zi. Sipas tij, 27 vendet anetare te BE-se pritet t'i hapin "driten jeshile", liberalizimit te vizave me keto vende te Ballkanit Verior, ne fillim te vitit 2010. "Ekzekutivi i Bashkimit Evropian do te propozoje javen e ardhshme qe qytetareve te Malit te Zi, Serbise dhe Maqedonise t'u lejohet udhetimi pa viza ne vendet e BE-se, prej fillimit te vitit te ardhshem", - deklaroi komisioneri per Drejtesine ne BE. Sipas tij, propozimi qe do te behet pas nje jave, duhet te miratohet nga 27 ministrat evropiane te Drejtesise, ndonese votimi unanim nuk eshte i nevojshem ne kete rast. Kerkesat e Bashkimit Evropian per procesin e liberalizimit te vizave lidhen me tre komponente, te cilet jane monitorimi i duhur i kufirit, pasaportat biometrike dhe dokumentet e tjera te identifikimit te qytetareve dhe lufta kunder krimit te organizuar e korrupsionit. Nga te gjitha vendet e Ballkanit Verior, vetem Maqedonia (FYROM), ka arritur te marre vleresimin maksimal te te gjithe ketyre komponenteve, te vene si kushte nga Bashkimi Evropian. Ndonese pritet liberalizim ne janar te vitit te ardhshem, Serbia dhe Mali i Zi ende kane disa probleme me permbushjen e standardeve. Por drejtuesit e Bashkimit Evropian i kane lene kohe ketyre dy vendeve, per permbushjen e standardeve, deri ne fund te ketij viti.
