Haxhinasto: Konventa, shembull i demokracise ne LSI

Kryetari i Komisionit Kombetar Drejtues ne Levizjen Socialiste per Integrim, Edmond Haxhinasto, deklaroi dje se Konventa ishte nje shembull i qarte i funksionimit te demokracise se brendshme ne LSI dhe pasqyre e hapesirave per shprehjen e mendimit ndryshe dhe per respektimin e tij. "Sic jeni ne dijeni, u zhvillua Konventa e Jashtezakonshme Kombetare e LSI, e cila miratoi nje Rezolute per pjesemarrjen e LSI ne bashkeqeverisje me Partine Demokratike, si fituese e zgjedhjeve te 28 Qershorit 2009, si dhe mandatoi kryetarin e LSI te negocioje me kryetarin e PD-se per krijimin e koalicionit qeverises", solli ne vemendje Haxhinasto. Sipas tij, Konventa vleresoi vendimin e LSI per pjesemarrje ne koalicionin qeverises si alternativen e vetme per te garantuar stabilitet politik ne vend dhe per te vazhduar proceset integruese. "Gjithashtu Konventa konkludoi se dalja nga kriza aktuale ekonomike, reformat e integrimit evropian, levizja e lire e shqiptareve ne BE, reforma zgjedhore dhe pavaresia e gjyqesorit do te jene objektiva kryesore edhe per koalicionin e ardhshem qeverises", deklaroi zyrtari i larte i Levizjes Socialiste per Integrim, Edmond Haxhinasto.