Loja e femijeve shkrumbon shtepine e gurte ne "Dunavat"
E Merkure, 08 Korrik 2009
Gjirokaster- Loja e femijeve shkrumbon shtepine e vjeter ne lagjen muze te Gjirokastres dhe rrezikon shume te tjera, qe gjendeshin ngjitur me te. Ngjarja ka ndodhur rreth ores 10:45 te dites se djeshme ne lagjen "Dunavat", kur banoret dalluan shtellunga tymi e bloze. "Flaket e zjarrit dilnin nga nje shtepi, gjysme e rrenuar dhe e braktisur ne pronesi te Xhimo Gjonit", thone banoret. Duke qene se per shkak te afersive te shtepive me njera-tjetren zjarri rrezikonte te perhapej edhe ne banesa te tjera, banoret e lagjes kane kerkuar ndihmen e efektiveve zjarrfikes. "Pasi mberritem ne vendngjarje konstatuam se zjarri kishte perfshire nje shtepi te braktisur te ndertuar me gur, ne te cilen ishin magazinuar nje sasi e konsiderueshme materialesh drusore", thote njeri prej efektivave zjarrfikes. I ndihmuar edhe nga lenda e drurit, zjarri brenda pak minutash eshte perhapur ne te gjitha mjediset e baneses se braktisur nderkohe qe furia e flakeve, rrezikonte te perfshinte edhe shtepite e tjera. Pas gati 30 minutash, flaket e zjarrit jane vene nen kontroll. Sipas grupit hetimor, pronari i baneses prej vitesh jeton ne Tirane, kurse shkak mund te kete qene pakujdesia e nje grupi femijesh, qe luanin ne mjediset e brendshme.
B. Kore
