Bashkia kerkon ne Kushtetuese, pezullimin e hetimit per Ramen
E Merkure, 08 Korrik 2009
Gjykata Kushtetuese mori dje ne shqyrtim ankesen e Bashkise se Tiranes, kunder komisionit hetimor parlamentar per dhenien e lejeve per ndertime nga kreu Edi Rama. Perfaqesuesit e bashkise se Tiranes, thane dje se ngritja e hetimit parlamentar cenon rende pavaresine e institucioneve te pavarura. Sipas tyre, Kuvendi nuk mund te nderhyje ne dhenien e vendimeve qe jepen nga Keshilli i Rregullimit te Territorit, por vetem te shohe zbatimin e ligjeve te vecanta. Avokatet e bashkise, u shprehen se jane institucione te tjera ato qe merren me bashkine dhe mund te kryejne hetimin administrativ, nese ka apo jo shkelje ne dhenien e lejeve te ndertimit. Per keto arsye, ata kerkuan nga anetaret e Gjykates Kushtetuese, qe te pezulloje kete hetim dhe rezultatin e dale prej tij. Nderkohe qe pala tjeter, Kuvendi, rrezoi pretendimet e bashkise se kryeqytetit. Sipas perfaqesuesve te Kuvendit, nuk ka asnje motiv pse te kerkohet pezullimi i rezultateve te hetimeve qe u kryen kunder Rames. Pas paraqitjes se pretendimeve te paleve, ky institucion pritet te dale me nje vendim perfundimtar, per te vleresuar apo jo si te ligjshem hetimin parlamentar qe u krye brenda tre javeve per Ramen.
