Rezultati i 9 kutive ne Fier, pas miratimit te tabelave

Kutite e Qarkut te Fierit do te qendrojne ne Komisionin Qendror te Zgjedhjeve pa u numeruar, per nje kohe te pacaktuar. Ne keto nente qendra votimi, Partia Socialiste pretendon se ka votat per te fituar mandatin e nente. Me pare pritet shpallja e miratimit te rezultatit final per kete qark, mbi bazen e tabelave perfundimtare qe jane firmosur nga komisioneret e KZAZ-se dhe vetem pas ketij miratimi, mund te behet hapja e tyre. Kjo per faktin se ne tabelat perfundimtare eshte pasqyruar dhe eshte permbyllur rezultati, gje qe nuk e lejon Komisionin Qendror te Zgjedhjeve te ndryshoje te dhenat, pa marre me pare nje vendimmarrje per miratimin. Ne kete rast, partia e cila pretendon mandatin e nente, ajo socialiste, do te beje ankimimin e saj ne rruge ligjore per te hapur keto kuti. Nese kjo nuk pranohet ne KQZ, atehere do te kaloje ne Kolegjin Zgjedhor, ku vetem keto dy institucione mund te marrin vendimin, per ndryshime te tabelave perfundimtare te bazuara me ligj. Nderkohe qe KQZ shpalli dje rezultatin per Gjirokastren, Korcen dhe Kukesin, rezultati i Vlores mbetet peng i KZAZ-se 61. Komisioni Zonal nuk ka sjell ende materialet zgjedhore dhe nuk ka nxjerre tabelat permbledhese te rezultateve. Kryetari i KQZ-se, Arben Ristani, paralajmeroi kallezime penale per komisioneret e kesaj KZAZ-je dhe te gjithe atyre, qe kane shkelur ligjin dhe afatet. Ndersa nenkryetarja e KQZ-se, Deshira Subashi, denoncoi faktin se ne disa nga kutite e KZAZ-ve nuk eshte kryer numerimi, pavaresisht se eshte marre vendimi per tabelat permbyllese.