Prinderit, kontroll femijeve nga shtepia
E Hene, 06 Korrik 2009
"Deshtimi" i projektit te njoftimit te prinderve me sms, ka sjelle domosdoshmerine e nje tjeter projekti qe po pergatitet nga Drejtoria Arsimore e Tiranes. Behet fjale per informatizimin e te gjitha te dhenave, per secilin prej nxenesve te shkollave, ne menyre qe edhe prinderit te mund te informohen, thjesht duke u futur ne faqen e internetit qe do te krijohet me kete rast. Prinderve do t'u jepet kodi i femijeve te tyre, ne menyre qe te mund te kontrollojne online, mungesat dhe notat e femijeve te tyre.
Te dhenat
Prinderit, te cilet jane te interesuar te dine se cfare notash kane marre femijet e tyre, si edhe mungesat, mund ta kontrollojne kete fare lehte. Madje, ata do te mund t'i kontrollojne femijet e tyre edhe nga shtepia, edhe nese jane larg vendit ata, mund ta bejne kete. Mjafton qe te kene ne mjediset ku jetojne, nje kompjuter ku te kene akses ne internet. Informatizimi i te dhenave per te gjithe nxenesit e shkollave te mesme dhe 9-vjecareve te Tiranes, do ta mundesoje kete favor per te gjithe prinderit. Nje fakt te tille e ka pohuar edhe drejtoresha e Drejtorise Arsimore per Rajonin e Tiranes, Arjana Bekteshi, e cila ka theksuar se ky eshte nje projekt per te cilin po punohet dhe kane shpresa se do ta realizojne sa me pare qe te kene mundesi.
Regjistrat
Keshtu, cdo shenim ne regjistrat e shkollave do te informatizohet, duke filluar nga nota qe iu vendosin nxenesve, mungesat dhe cdo detaj tjeter. Kjo do te thote se me ane te ketij informatizimi, te dhenat e cdo shkolle do te merren cdo dite jo vetem nga Drejtoria Arsimore, por edhe nga prinderit. Por nga ana tjeter, prinderit, sipas drejtoreshes se DART-it, do te mesojne vetem te dhenat e femijeve te tyre dhe te askujt tjeter. "Prinderit do te pajisen me nje kod, qe eshte i femijes se tyre. Me ane te ketij kodi, ata mund te futen ne internet kudo qe te jene dhe mund te kontrollojne notat, mungesat dhe shenimet qe u vihen per femijet e tyre",- shpjegon Arjana Bekteshi, duke theksuar se kjo eshte nje praktike shume e mire per prinderit, per te kontrolluar femijet e tyre. Nderkohe, ajo thekson se tashme eshte arritur informatizimi i mesuesve, qe japin mesim ne shkollat e Tiranes.
