Zhdoganimet on-line, shkurtohen procedurat ne dogana
E Enjte, 02 Korrik 2009
Sistemi i ri elektronik "Asycuda World" i vendosur ne te gjitha pikat doganore te vendit po jep efektet e para duke lehtesuar biznesin, te cilit po i ofron nje sistem efikas per perpunimin e ngarkesave si dhe duke shkurtuar procedurat, qe prej kohesh kane qene barre per bizneset importuese dhe eksportuese. Sipas eksperteve te doganave, ndonese import-eksportet e mallrave paten te njejtin trend gjate muajit qershor, biznesit iu ofrua nje sherbim me efikas. Burime nga Drejtoria e Pergjithshme e Doganave thane dje, se me vendosjen e sistemit te ri, koha qe nje biznes shpenzon ne pikat doganore eshte shkurtuar ndjeshem, pasi deklaratat doganore jane on-line dhe inspektoratit doganor nuk i nevojitet te kontrolloje sasine e mallit te deklaruar on-line. Sipas burimeve zyrtare nga doganat edhe ne ditet e fushates zgjedhore puna ka vijuar non stop, ne te gjitha pikat doganore, duke siguruar keshtu levizjen e lire jo vetem te njerezve, numri i te cileve po rritet pasi ka nisur sezoni veror, por edhe te mallrave. Prej me se dy javesh, Administrata Doganore Shqiptare ka realizuar me sukses kalimin nga sistemi "Asycuda ++" ne sistemin me te perparuar, "Asycuda World", qe bazohet ne teknologjine me te perparuar te informacionit, mundeson perpunim me efikas te ngarkesave, permireson dhe thjeshton procedurat doganore dhe kontrollin e te ardhurave, si dhe perditeson statistikat doganore e tregtare. Nepermjet sistemit te gjitha deklaratat e import-eksportit dhe transitit, kryhen tashme on-line ne gjithe deget doganore, ne perputhje me standardet dhe praktikat me te mira evropiane dhe nderkombetare. Ky sistem, perben "shtyllen kurrizore" te operacioneve moderne qe perdorin doganat shqiptare drejt modelit single window-nje sportel, duke u bere pjese e nje grupi te perzgjedhur vendesh, qe operojme me nje sistem te tille te perparuar.
