PD: OSBE, vleresim per zgjedhjet
E Marte, 30 Qershor 2009
Fatjona Mejdini
Partia Demokratike e cilesoi raportin paraprak te ODIHR-it si konfirmues ndaj realitetit pozitiv, ne baze te cilit u zhvilluan zgjedhjet parlamentare te 28 qershorit. Zedhenesja e fushates se PD-se, Majlinda Bregu deklaroi se vezhguesit nderkombetare, ashtu sic pritej e kane cilesuar kete proces, si nje progres te dukshem. "Besoj se ajo qe te gjithe kemi degjuar ne raportin paraprak te vezhguesve, eshte vetem nje konfirmim i pritshem i realitetit te vleresimit te procesit zgjedhor ne Shqiperi, proces ky qe eshte vleresuar me progres te dukshem", deklaroi menjehere pas zgjedhjeve zedhenesja e fushates, njekohesisht ministrja e Integrimit, Majlinda Bregu. Sipas saj, ky raport paraprak ka vleresuar ne menyre te vecante infrastrukturen zgjedhore te ngritur ne vend, e cila eshte nje investim i qeverise. Po keshtu sipas Bregut, edhe pergatitja e listes se zgjedhesve e bere nga ministrja e Brendshme ka marr vleresimet nga vezhguesit nderkombetar. "Jane vleresuar te gjitha perpjekjet per permiresimin dhe ndryshimin e infrastruktures zgjedhore ne pergjithesi, qe nga pergatitja e listave te zgjedhesve, regjistrit kombetar te gjendjes civile, nje regjister tanime modern dhe pergatitja e kartave te identitetit", deklaroi zedhenesja e fushates se PD-se. Nisur nga keto vleresime Majlinda Bregu deklaroi se tashme shihet qarte fakti qe te gjitha tentativat e Partise Socialiste, per te manipuluar qytetaret, kane rezultuar false. "Pra, te gjithe elementet e keqperdorur apo qe tentoi PS t'i perdore gjate zgjedhjeve, si Gerdeci, kartat e identitetit apo dhe manipulime te tjera, nuk u kane funksionuar nuk do t'u funksionojne", deklaroi zedhenesja e fushates pergjate nje konference ne seline blu. Po keshtu Bregu deklaroi se kjo parti po i mban numeruesit e saj me genjeshtra ne lidhje me procesin zgjedhor. "As genjeshtra tjeter me te cilen po mundohen te mbajne gjalle, me vjen keq, edhe numeruesit e tyre ne keto momente, te cilet po kryejne nje mision brenda ligjit", tha Bregu, ne lidhje procesin zgjedhor. Nga ana tjeter, zedhenesja e fushates deklaroi se i ftonte numeruesit e Partise Demokratike te vazhdonin punen e tyre te qete, sepse Partia Demokratike ishte ne avantazh ne te gjithe vendin.
Zedhenesja e fushates se PD: Avantazhi yne, i dukshem
Partia Demokratike deklaroi se konfirmonte Shqiperine blu dhe trendin pozitiv gjate procesit te numerimit te votave per kete parti. "Jam ketu dhe njehere para jush nga selia blu e Shqiperise blu, per te konfirmuar trendin pozitiv te ketij procesi te numerimit te votave ne te gjithe Shqiperine, ne fakt nje trend pozitiv, i cili u be i ditur paraprakisht me sondazhet dhe qe po konfirmohet tani nga procesi i numerimit te votave", deklaroi Bregu, duke theksuar fitoren e PD-se.
