Bibliotekave publike do t'u rikthehet "shkelqimi"
E Shtune, 27 Qershor 2009
Bibliotekat publike ne kryeqytet do t'i nenshtrohen rehabilitimit dhe pasurimit te fondit te tyre. Te kycura qe prej 18 vitesh, drejtuesit e Bashkise se Tiranes premtojne se ato nuk do jene me relike, por do te funksionojne shume mire. Kjo do te mund te realizohet permes nismes "Dhuro nje liber" per te perhapur dijen permes librit dhe po shtrihet edhe ne bibliotekat publike, konkretisht me dhurimin e 243 librave te rinj per biblioteken e njesise bashkiake nr. 9, 241 per ate te njesise nr. 10 dhe 240 libra per biblioteken e minibashkise nr. 8. Ne listen e bibliotekave qe do te rikonstruktohen, nga Drejtoria e Pergjithshme e Politikave te Zhvillimit dhe Planifikimit behet e ditur se eshte planifikuar nderhyrja ne 7 shtepi libri, te njesive bashkiake. Nga keto, ne tre biblioteka, projekti konsiston pasurimin e fondit te librave dhe per kater te tjera, nderhyrja parashikon rikonstruksionin dhe rikonceptimin e tyre, si qendra te vogla te komunitetit, prane cdo minibashkie. Logjika e institucionit te bashkise mbeshtetet ne idene e nje pende te arte. Sipas tyre, pas viteve 2000 eshte bere nje pune e konsiderueshme per te rikthyer ne gjendje funksionale bibliotekat publike, nje pune qe filloi me gjetjen e dokumentacionit per cdo shtepi libri dhe nderhyrjen ne to. Tashme jane gati projektet per rikonstruksionin e disa bibliotekave, aktualisht ne gjendje te amortizuar.
