QSUT, Godo sot pret shiritin e spitalit te ri
E Enjte, 25 Qershor 2009
Qendra Spitalore Universitare "Nene Tereza" do te kete sot nje spital te ri, ne te cilin do te perfshihen sherbimet e mjekesise interne, imazherise, laboratoreve dhe sherbimeve te tjera. Spitali pritet te inaugurohet sot nga ministrja e Shendetesise, Anila Godo ndersa punimet e tij kane filluar qe ne janar te vitit 2007 dhe priteshin te perfundonin nje vit me pare. Sipas te dhenave master-plani per transformimin e QSUT, eshte planifikuar ne 6 faza dhe vlen ne total rreth 130 milione dollare. Ky spital ka qene faza e pare ndersa pritet te filloje faza e dyte, ne perfundim te se ciles parashikohet risistemimi i sherbimit te Kirurgjise, largimi i kirurgeve nga ambientet aktuale dhe vendosja ne kushte bashkekohore. Ky spital, pavaresisht se ne te do te vendosen mjekesia interne, imazheria, sherbimi i laboratoreve dhe pranimet (Urgjenca), iu vlen ne fakt te gjitha sherbimeve te QSUT, pasi pranimi i pacienteve do te jete i perqendruar, po ashtu dhe sherbimi i laboratoreve dhe imazherise si ne cdo spital te botes, gje qe ekonomizon ne drejtimin e duhur burimet financiare te shendetesise. Spitali do te kete kater kate. Ne katin e pare (qe do te jete nentoke) do te instalohet imazheria qe do te kete dyfishin e kapacitetit te imazherise aktuale. Ne te dytin do te jete Urgjenca me nje kapacitet 30 shtreter si dhe do te behen pranimet. Ne katin e trete do te vendoset sherbimi i Mjekesise Interne. Ndersa ne katin e katert do te jete reanimacioni me 10 shtreter si dhe laboratoret. Godina do te lidhet nepermjet dy tuneleve me sherbimet e kardiokirurgjise dhe kirurgjise.
