QSUT, turqit hapin repartin e pare te dializes per femije
E Enjte, 25 Qershor 2009
Brenda nje muaji spitali Pediatrik ne Qendren Spitalore Universitare "Nene Tereza", do te kete gati pavijonin e pare te dializes per femije. Pavijoni i dializes eshte mundesuar nga qeveria shqiptare dhe ajo turke. Tashme ne saje te nje marreveshjeje me qeverine turke, femijet e moshave te ndryshme, do te mund t'i nenshtrohen sherbimit te dializes ne nje repart te posacem. "Sipas marreveshjes, pala shqiptare ka vene deri tani ne dispozicion tete milione leke te reja per rikonstruksionin ose pershtatjen prane spitalit te Pediatrise, qe do te sherbeje si qendra e dializes pediatrike dhe gjithashtu pala shqiptare, do te mbuloje rrogat e personelit dhe te gjitha materialet e konsumit mujor e te perditshem, qe do te kene nevoje ne kete qender. Ndersa pala turke me nje investim prej 250 mije eurosh, do te vere tere pajisjet e nevojshme ne kete qender te dializes", tha Anila Godo, ministre e Shendetesise. Drejtuesi i projektit Ali Ozgun Ozturk, u shpreh se ky bashkepunim do te vazhdoje dhe ne te ardhmen ne fushen e shendetesise, nderkohe qe nje vemendje e vecante do t'i kushtohet trajnimin te bluzave te bardha ne spitalet me te mira te Turqise. Sipas ministres se Shendetesise, pritet qe fillimisht, sherbimit te dializes ne kete pavijon t'i nenshtrohen 10-15 femije te moshave te ndryshme. Sipas Godos, ky eshte edhe numri i femijeve qe raportohen cdo vit me probleme ne veshka, pikerisht mosfunksionimit te ketyre organeve qe cojne pacientet ne dialize.
Pavijoni
Pavijoni i dializes per femije, do te vendoset ne ambientet e spitalit te ri i cili eshte duke u ndertuar ne Qendren Spitalore Universitare "Nene Tereza". Per sa i perket personelit mjekesor, pala turke ka nisur trajnimin e tre infermiereve dhe kater mjekeve ne Turqi.
