Qeveria rikategorizon pagat, rriten rrogat e shofereve
E Enjte, 25 Qershor 2009
Blerina Hoxha
Qeveria ka vendosur dje te klasifikoje pagat per administraten qendrore ne 10 klasa dhe per ate lokale ne 14 klasa. Ne baze te ketyre klasave aplikohen edhe shtesat mbi pagen, qe miratohen vit pas viti nga qeveria. Nivelet e pagave per klasen e punonjesve mbeshtetes te institucioneve buxhetore qendrore, te cilet nuk trajtohen ne page me strukturen e pagave te nepunesve te sherbimit civil, jane me 10 klasa. Nivelet e pagave per klase te punonjesve mbeshtetes te institucioneve buxhetore, rajonale e vendore, si dhe te institucioneve qendrore, te grupit te trete, te sistemit te Ministrise se Mbrojtjes, caktohen me 14 klasa. Renditja e pozicioneve te pergjithshme te punes, behet per cdo klase, per punonjesit mbeshtetes ne administraten e ministrive te linjes, institucioneve te pavarura, institucioneve qendrore. Keshtu nepunesve, pagat e te cileve pas cdo viti pune u jepet shtese per vjetersi ne pune ne masen 1 per qind mbi pagen baze per klase, por jo me shume se 25 per qind. Per llogaritjen e kesaj shtese, njihet vjetersia e pergjithshme ne pune.
Per pune te veshtira e te demshme per shendetin, shtesa mbi page aplikohet sipas shkalles se veshtiresise. Keto shtesa sipas vendimit te qeverise llogariten mbi pagen baze. Keshtu Drejtorite/njesite e menaxhimit te burimeve njerezore, te institucioneve buxhetore, ne zbatim te kesaj pike, i paraqesin kerkesen e tyre drejtorive te shendetit publik, te cilat percaktojne vendet e punes, te veshtira e te demshme per shendetin e punemarresve, si dhe shkallen e veshtiresise per cdo vend pune. Pas percaktimit te shkalles se veshtiresise, titullaret e institucioneve buxhetore paraqesin kerkesen per miratim ne Ministrine e Shendetesise dhe ne Ministrine e Punes, Ceshtjeve Sociale dhe Shanseve te Barabarta. Pas marrjes se miratimit nga dy ministrite e permendura, miratojne dhenien e ketyre shtesave per punonjesit e institucioneve te sistemit te tyre. Per institucionet qendrore, ne varesi te ministrave te linjes, si dhe ato rajonale e vendore, ky miratim behet nga ministri perkates, ne varesi te efekteve financiare qe rrjedhin nga zbatimi i ketij vendimi, per vitin 2009, te perballohen nga fondet e miratuara ne buxhetin e shtetit, per rritjen e pagave te punonjesve buxhetore per kete vit.
Shtesat e pagave, sipas grupeve
Grupi i pare deri ne 5 %;
Grupi i dyte 5 deri ne 10 %;
Grupi i trete 10 deri ne 15 %;
Grupi i katert 15 deri ne 20 %;
Grupi i peste 20 deri ne 30 %.
Shtesat
- Kur punonjesit i takon te marre dy a me shume shtesa per veshtiresi, ai do te marre nga nje veshtiresi per cdo shkalle, por jo me shume se 60 per qind.
- Keto shtesa u rekomandohen edhe punedhenesve te tjere te ndermarrjeve e institucioneve shteterore jobuxhetore apo subjekteve private.
- Mjeket, qe jane anetare te komisioneve te ndryshme te vleresimit dhe percaktimit te shkalles se aftesise per pune te shtetasve per punen qe bejne, pavaresisht numrit te mbledhjeve ne nje muaj, marrin shperblim mujor ne perqindje, ne masen si me poshte vijon:
Per komisionin epror dhe komisionet e rretheve te grupit te pare, ne Tirane
• Kryetari 36 per qind;
• Anetaret 31 per qind.
Per rrethet e tjera:
• Kryetari 31 per qind;
• Anetaret 26 per qind.
-Shoferet e titullareve te institucioneve te pavarura, perfitojne shtesa 40-50 %/
-Shoferet e kabinetit te Presidentit, Kuvendit, Kryeministrit, sekretareve te Pergjithshem, ne Ministrite e linjes, te sekretareve te Pergjithshem, ne institucionet e pavarura kushtetuese, te sekretareve te Pergjithshem, ne institucionet e tjera te pavarura te krijuara me ligje te vecanta, te prefektit te Qarkut te Tiranes, te rektorit te universitetit, te titullareve te institucioneve qendrore, ne varesi te Keshillit te Ministrave/kryeministrit dhe ne varesi te ministrave te linjes, te titullareve te Gjykatave te Apelit, te Gjykatave te Apelit per Krimet e Renda, te Gjykatave te Rretheve Gjyqesore, te Gjykatave per Krimet e Renda, te drejtorit te Zyres se Administrimit te Buxhetit Gjyqesor, perfitojne pagen sipas klases V, te lidhjes nr.I, qe i bashkelidhet ketij vendimi si dhe 30 per qind shtese.
-Shoferet e prefekteve te qarqeve te tjera, perfitojne 20 per qind shtese mbi pagen baze te klases perkatese.
-Punonjesve te sektorit te teknikes e shtypshkrimit, ne administraten e Qendres se Publikimeve Zyrtare perfitojne shtese mbi page, per natyre te vecante pune, ne masen 10 000 (dhjete mije) leke.
- Punonjesit shpetues te sektorit te emergjencave dhe te shpetimit, te repartit te inspektim-shpetimit te minierave, perfitojne nje shtese mbi page, ne masen 5 000 (pese mije) leke ne muaj.
-Tekniket e mesem, te cilet punojne ne repartet e prodhimit, te ndertimit e riparimit te anijeve ne qendren e ndertimit dhe riparimit te anijeve patrulluese per Rojen Bregdetare te Shqiperise, perfitojne nje shtese per kushte pune, ne masen 6 000 (gjashte mije) leke ne muaj.
-Punonjesit e qendres se sherbimeve dhe administrimit te mjeteve te transportit, ne pozicionin "Shofer", kur emerohen ne dispozicion te titullareve te Ministrise se Brendshme, trajtohen ne page sipas parashikimit te bere ne kete vendim, per pagat e shofereve te titullareve, ndersa punonjesit e kesaj qendre, ne pozicionin "Shofer-mekanik", perfitojne nje shtese mbi page, ne masen 5 000 (pese mije) leke ne muaj.
- Punonjesit mbeshtetes, te cilet punojne ne sherbimet e shendetit mendor, e qe jane ne kontakt te drejtperdrejte me keta te semure, perfitojne shtese, per natyre te vecante pune, ne masen 5 000 (pese mije) leke ne muaj.
- Punonjesit mbeshtetes, te cilet punojne ne institucionet e ekzekutimit te vendimeve penale dhe qe jane ne kontakt te drejtperdrejte me te denuarit, perfitojne shtese, per kushte te vecanta pune, ne masen 5 000 (pese mije) leke ne muaj.
Shtesat pagave sipas veshtiresise
Ne shkallen e pare ne masen 5 %;
Ne shkallen e dyte ne masen 15 %;
Ne shkallen e trete ne masen 20 %;
Ne shkallen e katert ne masen 25 %.
