Formula, si te llogaritni piket

TIRANE -Duke qene se neser do te publikohen edhe rezultatet e provimit te dyte me detyrim, atij te Matematikes, do te jete pak a shume e mundur qe maturanti te beje nje perllogaritje paraprake te pikeve, duke pasur parasysh skemen qe publikon Ministria e Arsimit dhe e Shkences. Keshtu, duke pasur parasysh edhe tabelen me fituesin e fundit per cdo dege, maturantet do te kene mundesi qe te bejne vete perllogaritjen e pikeve qe kane marre gjithsej, duke pasur parasysh 5 komponentet qe permban skema. Ndersa kjo skeme nuk do te vleje per maturantet qe kane dhene konkurse ne Arkitekture, Akademine e Arteve dhe ate te Sporteve, pasi ata do te kualifikohen vetem ne baze te konkursit.

Formula

Formula e llogaritjes se pikeve eshte: ((D1 + D2 + M) x k1 + (T1 + T2) x k2) x 100 = X (ne varesi te rezultatit qe del). Sipas kesaj formule, M = mesatarja, D1 = provim i detyruar letersia, D2 = provim i detyruar matematika, T1 = provim me zgjedhje 1, T2 = provim me zgjedhje 2, k1 = koeficienti sipas shkolles se kryer dhe k2 = koeficienti sipas provimeve me zgjedhje. Nderkaq per maturantet qe kane zhvilluar konkurse ne Arkitekture, Akademine e Arteve dhe te Sporteve, piket qe dalin nga kjo formule do te kene nje peshe te vogel ne vleresim, pasi peshen me te madhe e ka vleresimi praktik. Me pas do te vije faza e regjistrimit. Edhe sivjet, regjistrimi do te kryhet ne dy raunde. Sipas specialisteve, nese nuk regjistroheni ne raundin e pare te regjistrimeve humbisni te drejten e shkollimit. Ky eshte kriteri me i ri i vendosur nga Ministria e Arsimit dhe e Shkences per regjistrimet ne universitete.

Formulari

Specialistet e MASH-it i keshillojne te rinjte, qe te bejne kujdes ne perzgjedhjen e degeve preferenciale qe do te shenojne ne formularin A2, pasi jane nje nder faktoret kryesore qe kete vit te bejne fitues apo humbes. "Kandidati ka te drejte te shenoje deri ne 10 dege preferenciale", kane shpjeguar specialistet. Pas perfundimit te te gjithe procesit te Matures, ne varesi te pikeve te marra dhe te preferences se kandidateve, do te percaktohet dega dhe universiteti ku ai rezulton fitues. Nese kandidati nuk paraqitet per t'u regjistruar ne kete dege, atehere ai digjet dhe per te fituar statusin e studentit i duhet te prese Maturen e vitit pasardhes qe te konkurroje serish. E thene me qarte, studentet qe kane piket maksimale do te shkojne ne fakultetet e Tiranes, ndersa te tjeret do te shperndahen ne universitetet e rretheve.

Regjistrimi, si do te behet sivjet

Keshtu, pasi shpallet lista me renditjen e te gjithe maturanteve, sipas sistemit Merite-Preference, kryhet regjistrimi paraprak ne universitete. "Eshte e rendesishme qe te gjithe kandidatet te regjistrohen ne programet e studimit ku jane fitues ne kete faze", veren udhezimi. Ky regjistrim quhet "paraprak" dhe eshte i detyrueshem brenda harkut kohor qe do te percaktohet nga Ministria e Arsimit. Pasi te kryhet ky lloj regjistrimi, do te mbeten vendet bosh ose disa arsye. E para sepse mjaft maturante, paralelisht me kerkesen per te studiuar ne universitetet publike vendase, mund te kene kerkuar te studiojne edhe jashte shtetit. Duke qene se ata do te shpallen fitues atje, atehere vendet bosh do t'u ngelen maturanteve tane, te cilet ne fazen e pare nuk jane shpallur fitues.