Rama ne Skrapar: Kam ardhur t'ju bashkoj per fitore
E Hene, 22 Qershor 2009
Kryetari i Partise Socialiste, Edi Rama kerkoi ne Skrapar votat, per te larguar nje here e mire te vjetren ne pushtet dhe per ti dhene jete nje pushteti te ri. Gjate takimeve elektorale ne kete zone, kreu socialist u shpreh se 28 Qershori eshte dita qe duhet te bashkoje te gjithe burrat dhe grate, djemte e vajzat e Skraparit per politiken e re per ndryshim. Si e vetmja mundesi per te, per t'i dhene fund sundimit te Sali Berishes. "Ky popull i lavdishem meriton shume me teper se sa izolimin gjeografik qe per 18 vjet me radhe i ka dhene politika e vjeter, pa mundur asnjehere te kuptoje, se pa hapur rrugen e re qe lidh Skraparin me pjesen tjeter, Skrapari mbetet i denuar, i izoluar, i tradhtuar", tha Rama. Sipas tij, Skrapari ndihet i izoluar, pasi nuk jane hapur rruget, qe te zhvillohet dhe ece me ritmet e banoreve. "E gjithe krahina e Skraparit ndihet e tradhtuar ne keto 18 vjet per shkak se politika e vjeter iu ka marre votat, por nuk ka menduar per zhvillimin e saj", theksoi kreu socialist. Ndersa ne takimin e zhvilluar ne Corovode dhe Polican, Rama u shpreh se nuk shkon ne keto zona per te cuar ndarjen, por bashkimin. Ai premtoi se do te beje per keto zona ne kater vite, aq sa politika e vjeter nuk ka bere dot ne 18 vjet. "Nuk kam ardhur t'ju ndare, por kam ardhur ketu t'ju bashkoj ne emer te interesave tuaja, qe jane interesat tona, ne emer te endrrave dhe shpresave tua, qe jane endrrat dhe shpresat e mia, ne emer te se ardhmes se femijeve tuaj, qe eshte e ardhmja, arsye per te cilen une dua te behem Kryeministri i Shqiperise", tha Rama, duke vijuar se gara e 28 Qershorit, nuk eshte nje gare personale, por eshte gara mes se vjetres dhe se rese, mes te ardhmes dhe te shkuares. Rama u shpreh i bindur se Partia Socialiste, do ta fitoje kete beteje, sepse Shqiperia nuk mund te humbase. Ai theksoi se nuk po zhvillon takime ne keto zona per te bere premtime, sic jane mesuar te bejne per 18 vjet me radhe politikanet e se shkuares. "Kam ardhur ketu per t'ju thene se do te bej per Skraparin ne 4 vjet, me shume se sa eshte bere ne 18 vjet te marra se bashku. Kjo eshte beteja per Shqiperine e gjunjezuar nga varferia, per Shqiperine e sfilitur nga papunesia, per Shqiperine e goditur nga dhuna, per Shqiperine e kercenuar nga analfabetizmi, per Shqiperine e gerryer nga korrupsioni", theksoi Rama.
