Shehu: Legalizimi, procesi do te jete i pakthyeshem
E Hene, 22 Qershor 2009
Kandidati i PD-se per qarkun e Tiranes, Tritan Shehu zhvilloi dje nje takim me banore tek "Kodra e Priftit", me te cilet bisedoi rreth problemit te legalizimeve. Gjate bashkebisedimit me banoret e kesaj zone Shehu i siguroi ata procesi i legalizimeve eshte i pakthyeshem dhe se do te marre zgjidhje perfundimtare shume shpejt. "Nje premtim i kundershtareve tane thote: 'urbanizim, pastaj legalizim', ndersa ne themi: 'legalizim, pastaj urbanizim'. Ajo qe thone kundershtaret tane, nuk eshte kurrsesi ne te miren tuaj, sepse pa qene pronare te baneses ku jetoni, nuk besoj se jeni te interesuar per nje investim ne urbanizim:, deklaroi Shehu, duke theksuar se pas perfundimit te legalizimit do te niste edhe procesi i urbanizimit te ketyre zonave. Sipas Shehut, shqiptaret duhet te votonin per PD-ne duke i dhene shanse vetes se tyre te ishin qytetare te Bashkimit Evropian.