UT do te pranoje 7100 studente te rinj
E Hene, 22 Qershor 2009
Fakultetet propozojne kuotat e pranimeve te mundshme sipas kapaciteteve per vitin akademik qe vjen. Kreu i Universitetit te Tiranes Dhori Kule ka pohuar se jane propozuar kuotat e pranimeve per tete fakultetet perberese te kesaj strukture. Ne total jane kerkuar si kuota te mundshme rreth 7100 pranime te reja, keto te shperndara sipas degeve perkatese te fakulteteve, pjesa derrmuese e kuotave i perkasin fakultetit te Ekonomikut, i cili edhe kete vit do te pranoje me shume studente te rinj se institucionet e tjera. Krahasuar me nje vit me pare, Kule deklaron se per vitin akademik 2009-2010 jane shtuar rreth 700 kuota pranimi me shume te shperndara sipas degeve. Ndonese nuk eshte pohuar ende zyrtarisht, edhe per vitin e ardhshem akademik nuk mund te kete me shume sesa 22 mije kuota pranimi, qe do t'i kalojne qeverise per miratim, kjo pasi universitetet jane te tejmbushura per shkak te fluksit te madh te pranimeve te bera ne maturat e kaluara. Megjithate, kerkesat per studime te larta kete vit kane shenuar rritje. Kjo faktohet me shifrat e publikuara nga AVA-ja ne lidhje me aplikimet e bera per dhenien e provimeve me zgjedhje nga kandidatet. Pas mbledhjes se te dhenave te depozituara nga te gjitha drejtorite arsimore te vendit rezulton se rreth 47 mije maturante kane aplikuar per ndjekjen e studimeve te larta. Kandidatet qe deshirojne te vazhdojne studimet ne shkollat e larta duhet te plotesojne edhe formularin A-2 brenda dates 30 qershor dhe ta dorezojne ate ne komisionet shkollore te matures shteterore. Brenda ketij muaji pritet qe te behen publike edhe koeficientet e llojit te shkollave te mesme, te cilat do te miratohen nga MASH. Megjithate, jane percaktuar 5 koeficientet e llojit te shkolles se mesme, ku cdo dege e shkolles se larte ka ne dispozicion 5 koeficiente, nga 1.0 deri ne 1.4 . (1.0, 1.1, 1.2, 1.3, 1.4), me te cilet vendos preferencen e saj per llojet e ndryshme te shkollave te mesme te grupuara ne 10 grupe kryesore, qe dallohen nga planet dhe programet qe zbatojne. Per provimet e ketij viti eshte percaktuar qe fatura financiare qe duhet te shlyejne maturantet per plotesimin e formulareve A-1 dhe A-2 te jete 1500 leke te reja.
Keshillat se si te plotesohet
Formulari A2, brenda javes ne duart e maturanteve
Udhezohet qe plotesimi i formularit, qe zyrtarisht do te nise ne te gjitha shkollat e mesme gjate muajit qershor, te behet me kujdes, ne menyre qe maturantet te listojne ato dege ku kane me shume probabilitet per te fituar. Kjo procedure do te ishte e vlefshme vetem pasi maturantet te njiheshin edhe me koeficientet e caktuara per llojet e shkollave te mesme, ne menyre qe te renditin deget ku mund te arrijne piket me te larta per t'u shpallur fitues ne universitetet publike, sipas kuotave te miratuara. Nga 10 dege qe mund te zgjedhin, nxenesit do te shpallen fitues vetem ne nje dege, ne degen e tyre te preferuar, te percaktuar me plotesimin e sakte te formularit A-2. Ky i fundit para se t'i jepet nxenesit, do te plotesohet me pergjegjesi dhe pa korrigjime fillimisht nga mesuesi kujdestar, i cili ploteson noten mesatare, vetem me pas maturanti rendit 10 preferencat e tij.
