Studimi, 10% e femijeve te pa vaksinuar
E Diele, 14 Qershor 2009
Rreth 10 per qind e femijeve ne vend, jane te pa vaksinuar. Sipas nje studimi te bere nga institucionet shendetesore ka rezultuar se 90 % e femijeve te porsalindur kane kryer vaksinimin, ndersa 10 per qind e tyre jane te pa vaksinuar. Sipas Ministrise se Shendetesise me problematike per kryerjen e vaksinimit jane zonat rurale, popullatat e zonave informale dhe komuniteti rom. Keta te fundit jane dhe kategoria me problematike, ku nje pjese e tyre nuk figurojne te regjistruar as ne institucione dhe jane kategoria qe i drejtohen me pak spitaleve. Ministria e Shendetesise, sqaron se aktualisht po mbahen ne monitorim intensiv shendetesor popullatat me risk te larte si romet, zonat e largeta rurale apo popullatat e zonave informale. Nga ana tjeter, kalendari vjetor i vaksinimit eshte pasuruar, madje pritet qe listes se vaksinave t'i shtohen te tjera te detyrueshme per femijet. Sipas specialisteve, vaksinimi parandalon dhe shpeton jeten e femijeve nga disa lloj semundjesh. Nje pjese e vaksinave behen qe ne muajt e pare te jetes se foshnjave, e me pas ndiqen keshillat e mjekeve per moshen dhe kohen e kryerjes se vaksinave te tjera. Semundjet qe shmangen nga kryerja e vaksines jane: Tuberkulozi, Hepatiti Viral B, Difteria, Tetanozi, Kolla e Mire, Poliomyeliti, Fruthi, Rubeola, Shytat.
