Matura, kaos ne vleresimin e testeve

Ngaterrohen testet e sapoplotesuara nga maturantet, prishet skema e vleresimit ne rrethe te ndryshme

Procesi i korrigjimit te testeve te Letersise, duket se nuk do te zhvillohet ashtu sikurse ishte parashikuar ne rregulloren e Matures Shteterore. Kjo per shkak te nje incidenti te krijuar diten e zhvillimit te provimeve, ku testet u grumbulluan ne te njejtin vend dhe jo sipas nje rendi te caktuar.

"Incidenti"

Keshtu, diten kur u mblodhen testet e provimit te Letersise ne mjediset e Agjencise Qendrore te Vleresimit te Arritjeve, u ngaterruan kutite me testet e maturanteve, te cilat ishin ndare sipas shkollave te ndryshme. Kjo beri qe me pas, ato te shperndaheshin ne menyre rastesore, ne tre qendrat e tjera ku do te behet vleresimi i tyre. Ne kete menyre, rrezikohet qe ne Tirane te korrigjohen po testet e Tiranes e keshtu me radhe ndonese, mendohej te shmangej nje gje e tille. Kesisoj, ishte menduar qe testet e Tiranes te korrigjoheshin ne nje qender korrigjimi larg kryeqytetit, sipas nje skeme te vendosur nga Agjencia Qendrore e Vleresimit te Arritjeve.

Vleresimi

Ne menyre qe vleresimi i testeve te behet sa me objektiv, edhe per kete vit Agjencia e Vleresimit te Arritjeve ka menduar qe te vendosen 4 qendra te korrigjimit te provimeve. Keshtu, procesi i korrigjimit te testeve te pershkallezohet ne disa rrethe, kjo ne ndihme te korrigjimit sa me te shpejte te testeve ashtu dhe ne berjen e nje vleresimit te sakte. Pershkallezimi i korrigjimeve eshte menduar te behet pervec AVA ne Tirane edhe ne tre qytete te tjera si ne Fier, Shkoder dhe ne Elbasan. Qendrat ne fjale eshte menduar te ruhen ne menyre te rrepte nga policet dhe kamerat e vendosura ne keto ambiente e qe jane percaktuar ne baze te bashkepunimit me Ministrine e Brendshme, ne lidhje me garantimin e ketij procesi. Periudha e zhvillimit te sesionit te pare te provimeve te Matures Shteterore dhe provimeve perfundimtare eshte 1qershor - 10 korrik. Ne pergjithesi, kjo eshte periudha per provimet, ndersa ka disa shkolla kur provimet fillojne me heret, sidomos ne shkollat e mesme pedagogjike per minoritetin, ne seksionet dygjuheshe (Profili shoqeror dhe natyror), ne shkollat e mesme artistike dhe sportive, si dhe ne shkollat e mesme tek-ekonomike dhe tekniko- profesionale. 5-vjecare dhe 3+2- vjecare.

Vendimi

Pyetjet me zhvillim, si do te vleresohen

Maturanteve do iu jepet nota qe u takon. Agjencia Qendrore e Vleresimit te Arritjeve ka arritur te gjeje mekanizmin, se si do te veproje me maturantet qe arrijne t'i pergjigjen vetem nje pjese te pyetjeve me zhvillim. Pervecse maturanteve do iu jepet ajo note qe u takon, sipas nje vleresimi te pershkallezuar, AVA ka menduar qe te vendose nga dy vleresues per cdo test, duke arritur te beje keshtu filtrimin e vleresimit. Sipas burimeve nga ky institucion, ne rast se nje pyetje me zhvillim vleresohet me 5 pike ne total dhe studenti i pergjigjet vetem nje pjese te saj, atehere ai do te vleresohet me aq pike sa ka arritur te zhvilloje pyetjen. Ky vleresim mund te jete edhe 2, 2.5 apo me shume ose me pak pike. Rendesi ka qe po merren te gjitha masat, qe vleresimi te jete sa me objektiv. Eshte ky shkaku, pse eshte menduar te caktohen nga dy vleresues per cdo test. Duket se pershkallezimi do te jete nje fenomen qe do te perdoret edhe per nivelin e testeve, pasi ka rezultuar efikas.